Teroris Laris Maniiis…..

Wah, gara-gara opini teroris gak jelas, Pesantren Mancung United jadi kena imbasnya juga, katanya tim DENSUS 88 mau ngecek ntu pesantren juga. Oyin juga ikut kelimpungan takut-takut kalo Asep ma Ustadz Ucup dibawa kabur sama ntu DENSUS, nyang hobinya mbawa kabur orang, tauk sendiri kan, Oyin paling nge-pens sama mereka. Katanya Mancung United tanpa Mang Asep dan Ustadz Ucup bagaikan matematika tanpa rumus, bagaikan amplop tanpa angpau, dan bagaikan laut tanpa aer, gariiiing…ring…ring !!!. Jaenab sama Munaroh juga ikutan was-was, cos sekarang pake kudung dan gamis n ikut pengajiannya Teh Dingding Badingding setiap minggu, takut dicurigain juga, Ncingnya Munaroh malahan pake cadar, gimana gak kuatir juga. Oyen mah udah ngasih tau ke mereka, kalo kagak ngapa-ngapain mah kagak usah takut. Lagian kalo DENSUS lagi pengen maen tembak-tembakan, pelurunya DENSUS bakalan susah nembus badan Oyin dan Jaenab nyang segede gajah bunting bayi kembar tujuh, mental palingan dah.

Ini lagi nih, kata Pak RT biar lingkungannya aman dan gak dicurigain, seluruh warganya gak usah pengajian-pengajian mojok segala, gak usah manjangin jenggot, gak usah pake cadar, gak usah pake gamis, sementara aktivitas pesantren juga terus dipantau biar gak ngajarin yang enggak-enggak. Gini nih, orang kagak ngarti agama, bisanya ikut-ikutan doang, nyang pake bikini setengah jadi di empang sawah kayak Enol Darahtinggi kagak dilarang, nyang mabuk-mabukan pake baygon rasa coklat kayak Ncang Kusam dkk kagak dilarang, trus nyang ngembat dan nilep uang kas Lurah mpe segembok-gemboknya kagak ditindak juga. Kalo kiai sama orang nyang ngarti agama di habisin semua, mo jadi apa negara ini?!! Wah, Oyen es poci neh ceritanya.

Giliran tim DENSUS nongol mo meriksa ntu pesantren, dicegat no ma Asep dkk pake pagar betis. Katanya kagak boleh masuk sebelum ngalahin mereka main bola. Tim DENSUSnya giliran digituin menganga deh tuh mulut, kagak tahu apa mereka mbawa senjata, tapi tim DENSUS juga kagak tahu pan kalo Pesantren Mancung United punya meriam segede gedong DPR (Dewan Pemerasan Rakyat), warisan Eyang Asep nyang dulu jadi kumpeni Belanda (Ooooo, Oyin bengong, pantesan wajahnya indo Afrika  kayak Afgan….mangsudnya dulu Eyang buyutnya orang Jawa nyang jadi pembantu sama kumpeni Belanda…getu…pada su’udzon neh, kebiasaan Asep kalo ngomong suka disingkat, Oyin aja cuman dipanggil huruf depan ma belakangnya doang…jadi O’on…. Yah, daripada pulang tinggal nama, akhirnya maen bola deh tuh DENSUS sama MU, yah karena bisanya cuman tembak-tembakan (itu ajah salah sasaran mulu), kalah deh tuh DENSUS. Masak yah maen bola mau nge-goal-in musti di bidik dulu, dipicingin tuh mata, of course lah pas mau micing bola udah di embat sama si Asep. Coba penjaga gawangnya si Noordin, kali menang deh tu DENSUS, dah latihan nembakin dia soalnya. Kata Ketua Tim DENSUS nyang mirip sama Brad Pitt dari jauh, tapi mirip Mbah Surip dari dekat, mereka bakal datang kesini lage kagak bilang-bilang, kalo perlu tengah malem, jadi kagak ada alesan untuk ncegah masuk ke Pesantren. Pokoknya kata dia, nanti semua pesantren di seluruh Indonesia bakalan dibawah pengawasan dia, mau pesantren beneran apa pesantren gak mutu kayak MU, semua bakal di awasin. Semua dilakukan demi mencegah aksi-aksi terorisme di negeri ini (inilah, mencegah terorisme dengan terorisme, kagak ngerti juntrungannya).

Pfffh…kata Ustadz Jupri Al-Bakery, biarpun banyak tantangannya mpe dikira teroris segala, tapi kagak boleh nyerah. Tetep harus jadi santri nyang istiqomah, biar hidupnya barokah, kagak keilangan hidayah, bisa ngejalanin amanah, jauh dari musibah, kagak ngelupain dakwah, trus dapet istri nyang solehah…..AMIIIIINNN…..wah kalo soal jodoh, Asep nyang paling kuenceng ntu aminnya…ha…ha..ha.