Byar Pet

“Waaa…..nyaaaak…babeeee….Oyin kagak bisa liat, Oyin buta nyaaaak…!!!”

Tereak Oyin malem-malem pas tiba-tiba melek dari tidurnya. Nyak nya jelas aja kaget denger tereakan gak mutu anak kurang mutu kayak Oyin.

“Huss…Yin, ni mati lampu…lo kagak buta, sono keluar…buktiin aja sendiri !!!”, abis ntu nyaknya molor lage.

“He…iye, ternyata Oyin kagak buta, cuman mati lampu..kikikik…jadi malu, udah akting sok dramatis”…walah !! Wah, tapi mati lampu kok gak nyala-nyala yah, kayak jaman perang aja….fiewh…ada apa gerangan kampong Jengkol?, mengapa kampong halaman Oyin tercinta yang tenang dan harum ini sering mati lampu yak ?!!!

Kalo mati lampu gini nyang seneng jelas Munaroh sama Jaenab, cos jeleknya kagak keliatan. Tapi yang sedih setengah mampus jelas Oyen, karena cakep dan imutnya kagak keliataaaaaan….fiewh…!!!. Bukan itu doang, kasian juga usaha bakso babenye Jenab, tiap mati lampu omzetnya turun drastis, bukan cuman karena pelanggannya berkurang, tapi kesempatan Jenab untuk ngembat baksonya jadi lebih gede, nyang bikin baksonye berkurang sedikit demi sedikit tanpa ketauan babenye, nyang disangkain digondol makhluk halus jembatan jengkol nyang kelaperan….kagak sadar apa, makhluk halusnya anak semata wayangnya sendiri…tobaaattt !!!

Oyen mencoba menelusuri ada apa gerangan dengan mati lampu di negeri Jengkol tercinta ini. Apa karena sering telat bayar? Kagak. Gimana bisa telat, orang telat sedetik aja dimatiin sama yang punya. Atau kelebihan makenya, makanya byar pet terus? Kagak juga…Emang kampong Jengkol segede Kutub Utara apa, orang cuman ada ribuan RT dan ratusan RW, lagian warganya juga rata-rata gaptek, tipinya cuman ada channel  Jengkol TV doang, itupun cuman Pak RT, Pak RW, sama para juragan jengkol nyang punya, jadi mana mungkin kebanyakan makenya !!!. Atau jangan-jangan kena sabotase makhluk halus Jembatan Jengkol nie, biar bisa leluasa nakutin orang kampong…soalnya kalo lampunya pada nyala, tuh makhluk malah takut liatin warga, cos jeleknya ngalahin mereka…apalagi liat Munaroh pas lagi bokek atau Jenab pas lagi kelaperan…wuiiih lebih nakutin dari mereka. Tapi kagak juga, karena kata Si Manis Jembatan Jengkol,

“Buat apa sabotase…kerjaan kite udah berat buat nakutin orang, ditambahin sabotase segala…cepe deehhh ?!!” Kata Si Manis sok gahul, mentang-mentang pernah masuk tipi. Tapi nyang jelas bukan karena gambar di bawah ini yak….

Usut punya usut katanya kekurangan pembangkitnya…hmmm, kenapa kagak dari dulu diperluas pembangkitnya, jadi pan kagak kewalahan kek gini. Trus ternyata nyang punya listrik gak punya duit buat beli gas sama batu bara buat energinya, soalnya semua lebih banyak di esksport, jadi pan harganya tambah muahalll !!! dan jadi susah ngedapetinnya…Gila, padahal kampong Jengkol pan punya cadangan gas sama batu bara nyang melimpah rrrruaaahhh, tapi kok bisa-bisanya kesusahan getu…malah katanya mao di jual lagi ntu perusahan listriknya sama orang-orang swasta, katanya buat efisiensi..Hwadohhh, alamat tambah makin mahal neh bayarnya, swasta mana mau untung dikit, kagaaaak mungkiiiin, nyang ada tuh harga bakalan naek lima kali lipat…kagak percaya?!! Tungguin aja buktinya !!!

Makanya Oyen ngajak warga kampong Jengkol musti kritis no sama pemerinte kampong Jengkol. Musti dibenahi no manajemen listrik sama energinya, sama kagak boleh di jual sama swasta, bikin warga bakalan tambah sengsaraaaa !!! Percaya deh…kata Oyen berapi-api sampe berasep, walaopun nyang dengerin masih adem ayem bin mingkem dan diem, banyak kagak ngartinya daripada mudengnya. Tapi Oyen yakin, nanti lama-lama warga kampong Jengkol bakalan tambah pinter, kagak mao di bodohin lage, kagak mao dikibulin lage dan gak bakal berdiem diri ngadepin masalah kampong Jengkol nyang bejibun, karena kalo bukan warga kampong Jengkol sendiri, sapa lage nyang bisa ngubah keadaaaan. Betul…betul…betul…he…(UpinIpin MODE : ON).

About these ads