Ayo tangkis krisis

Krisis lagi, krisis lagi, kapan seh enggaknya. Kalo udah krisis, Kampong Jengkol nyang udah berpuluh taon merdeka dari kumpeni Jepun ma Belanda serasa balik ke masa silam nyang sedikit kelam dan agak buram. Eyang buyut Oyen ma seangkatannya serasa lagi benostalgia inget jaman dulu kala. Berpanas-panas ria dan bersesak-sesak antri minyak, nasi sebakul diganti tiwul (singkong.red), makan sepiring berdua di bawah pu’un semangka lebat nyang buahnya nyusut jadi segede tomat (ikutan prihatin tuh pu’un), ditambah mewabahnya sakit perut, demen kentut, kepala nyut-nyut, hingga berat badan berjamaah nyusut.

Si Poltak, perantau Batak sampe berontak,

“Hidup semakin SIMANUNGKALIT, PANDAPOTAN MANURUNG, banyak SIHOTANG tak ada lagi HARAHAP, keadaan semakin GINTING, kepala pusing SIBUTAR-BUTAR, rambut rontok nyaris POLTAK, jumlah rakyat miskin makin PANGARIBUAN, anak menangis MARPAUNG-PAUNG, otak sudah SITOMPUL, tapi masih saja diminta sabar SITORUS, jangan putus HARAHAP katanya, mintalah PARLINDUNGAN Tuhan, supaya BONAR BONAR selamat dan Bandanpun jadi SIREGAR” Eleeuhhh…..BUTET dah… !!!

Mbah Sudimaryanto bin Sumardiyanto, ahli primbon dari Jowo juga ngoyoworo,

“Sanajan sing untung yo ora wurung, sing bejo rodo ciloko, sing slamet yo melu mumet, kabeh kudu prihatin. Jaman susah ojo kakean polah, mangan ra mangan angger ono sing di pangan, sanajan awak tambah kuru ojo do padu, sing penting pado eling, marang Gusti kang peparing, sing arep diramal primbone mrene ae, tak diskon regane” Walah, ada iklan di ujungnye.

Bundo nyang orang Padang juga ikut bicaro,

“Tak kuaso bundo menanggung beban derito, kareno krisis bikin kito sengsaro, buka restoran padang gak ado yang datang, katanyo makan balado seraso bakpao, bukan salah resepnyo, tapi lidahnyo yang mati raso, onde mandeee…..pusing ni kepalo” Munaroh ikut melongo dengernyo.

Jangan dikire Juragan Jengkol juga gak kena krisis. Biar kate lahannnye sepanjang jalan tol, tetep aja bisnisnye ikutan jebol, warga kampong kagak ade nyang mampu beli odol, mana mungkin pada mau beli jengkol, takut banyak korban pingsan kalo sekampong pada ngobrol.

Hmmm….dari Batak sampe Jawa, dari Padang sampe Papua, dari juragan jengkol sampe juragan dodol, dari yang rakus sampe yang kurus, dari pemerinte sampe rakyat jelate, semua kagak ada nyang demen sama krisis. Tapi nyang aneh bin nyeleneh, kenapa pake aturan nyang bikin biang krisis. Semua nyang ngaku ahli ekonomi tulen nyang gelarnye puanjang dan keren, udah pada tahu kalo aturan kapitalis nyiptain krisis nyang gak abis-abis. Kalo kampong nyang maju bisa kejadian saban 20 tahunan, kalo kampong nyang udik dan pelosok kek Kampong Jengkol bisa lebih cepet lagi muternye, sekitar 7-10 tahunan. Dan entu bukan rahasia lagi.

Gimana kagak krisis kalo masing-masing Kampong boleh ngecetak duit semau gue, karena kagak ade standarnye. Emas kagak lagi dipake buat ngejamin tuh uang kertas, jadinya kampong nyang maju bisa mainin mata uang kampong nyang laen. Ditambah entu orang-orang nyang kagak bertanggungjawab nyang demen mainin duit kosong di rumah saham. Belon lagi bisnis utang berutang nyang bunga berbunga…ampoooon, udah pada tauk masih aja tuh kebijakan di pake mulu.

Kalo udah krisis, kagak ada gunanya lagi nangis, gak bakal bikin makin romantis. Nyang jelas krisis wajib ditangkis, ganti aturan biang krisis dengan aturan penangkal krisis. Aturan nyang pake standar mata uang emas dan perak, ngeharamin pasar saham, ngeharamin bunga dan ngeharamin orang asing nguasain kekayaan kampong sendiri. Kalo bukan syariah, aturan mana lagi.

**tereakan Bang Poltak nguping di mari

About these ads