Enol in action

Wew, belon genap setaon jadi artis di Kampong Jengkol, pamor si Enol makin moncerrr. Gara-gara kepleset di catwalk waktu ikutan Miss Jengkol 2009 lalu dan ketangkep sama MC Juki Sihutang, Enol jadi berita utama di media. Gosip nyang beredar saat entu Si Juki kepincut sama model sesek (seksi syekaleee). Walhasil Enol nyang masih demen goyang buldozer jadi mangkin ngetop namanye, ngalahin Pak Lurah sama Oyen . Akhirnye Enol laris maniss bak PCD Mbajakan, dia pun dikontrak sama PH Multipikun Plus untuk main sineteron dan main pelem. Dari sinetron Kesandung, Kecemplung, Kejedot, mpe Kemenyan semua dibintangin ma die, walaupun cuman jadi pemain pembantu pas adegan dilemparin piring ma majikannye.

Dia juga malang melintang di jagad perpeleman, dari Ayat Amat Cinta, Beranak dalam Sumur, Petualangan Seronok, Mendadak Semaput, hingga nyang berbau setan dan dedemit ala kampong Jengkol semacam Pocong, Sundelbolong, Kuntilanak, Genderuwo, Tuyul dkk. Beuuhhh….mpe bikin “Si Manis Jembatan Jengkol” protess noh, wilayahnya diambil alih tanpa ijin. Mpe saking keselnye “Si Manis” konon menyepi ke Suramadu.

Ternyate si Enol belon puasss jadi artis, dia pengen juga nyaplok Senayan eh nyaplok parlemen RT. Maka dia nyalonin diri noh di PELET (PEmiLihan ParLemen Er Te) Kampong Jengkol, ngewakilin parte PEMBOKAT. Untuk ngewujudin ambisinye, Enol nyewa pemain bola buat nendang lawan politiknye, tukang surpey buat ningkatin citranye sama wartawan Jengkol Nyuz buat ngepublish trek recordnye.  Sejak kepilih, Enol bikin kebijakan nyang bikin dongkol anggota Parlemen eR Te, kek penurunan pajak improt barang-barang bermerk, biar bisa dibeli dengan murah, peningkatan subsidi salon-salon kecantikan, dan peningkatan tunjangan untuk para artis. Karena kebijakannye nyang kagak mutu, akhirnya Enol di goyang sama ripalnya, yaitu Partai DOKAR dan KDI Pergoyangan, dan tak berapa lama maka lengserlah dia.

Enol balik ke alamnya, jadi artis goyang buldozer nyang sering manggung dimana-mana. Dan tak berapa lama media ma inpotemen dibikin heboh gara-gara rekaman pideo gak mutu nyang mirip Enol ma Juki. Enol binun setengah mati, stress beratz sekali, depresi tingkat tinggi hingga dibawa ke rumah bersalin eh rumah sakit jiwa merek Jengkol. Warga Kampong Jengkol tetep peduli sama si Enol, mangkanya Pak eR Te dan jajarannye berusaha nyembuhin si Enol, biar jadi artis nyang bener, nyang gak sekedar jadi tontonan gak karuan tapi bisa jadi tuntunan nyang diharapkan.

Ngeliat kejadian si Enol, Oyin jadi mikir juga, ternyate jadi artis kagak seenak nyang dibayangin orang. Kalo kelakuan nyang gak karuan di tiru ma penznya, wah dosanya bisa keikut juga. Belon kalo ada gosip apa aja musti dikuntit ma media,  bisa jadi aib buat sesama, buat apa duit banyak kalo kagak bahagia, nyang penting jadi orang nyang bisa ngasi manpaat buat sesama. Kalopun jadi artis ya jadi artis nyang bisa jadi panutan dan teladan, teladan buat kebaikan, biar layak disebut pujaan…iyeee paannnn….***Oyin mule sadar detected***

About these ads