Oh, Sepakbola

Olahraga apa seh nyang paling populer sejagad? Yuph, sepakbola. Oyen aja heran kenapa dulu bisa cinta mampus yak ma sepakbola, padahal cuman ngliatin orang-orang ngejar bola, kasih aja tuh orang 22 bola biar gak rebutan…tapi kata Oyen dolo mah ntu die serunya. Seinget Oyen dulu mulai suka tuh waktu jaman SMA, waktu Oyen masih 100% uimuutz.

Awal mulanye gara-garanya suruh nggambar Mozaik, akhirnya Oyen nggambar orang nyang ada di Majalah Jengkol Nyuz. Tapi abis entu guru Oyen tanya, entu gambar sapa Yen? Lah, Oyen kagak tahu lah. Pas Oyen buka lagi entu majalah, tulisannya ”Dapid Bekam” Getuuu. Trus kate penz Oyen jaman SMA mas Bek entu pemaen bola, trus kalo Oyen pengen tahu kek gimana orangnya di suruh mantengin Jengkol TV tiap malam minggu. Akhirnya Oyen iseng ngliat mas Bek  nongol di Jengkol TV, eh pas entu die nge-goal-in pake preekick, wuee…keren juga, bolanya melengkung terus masuk gawang, mbikin Oyen tereak-tereak kek si Ariel, busyeet dah. Trus karena acara tipi kagak ada nyang mendingan dikit, yo wis Oyen jadi keseringan mantengin bola. Lama-lama ngliatin MU beneran main asik juga, apalagi liatin operannya, trus tendangannya, trus goalnya, trus kerjasama timnya wuihhh…bikin pengen tereak-tereak.

Trus mau tauk gak nonton bola ala Oyen jaman dulu (WARNING : DON’T TRY THIS AT HOME….ITS DANGER !!!!!)….nie…:

1. Siapin buku paket Matematika, Fisika or sejenisnya, soalnya Nyaknya paling rese kalo liat Oyen nonton bola tapi kagak belajar. Naaah….kalo liat buku pan bisa ngibulin Nyaknya dikit….walao cuman buat nutupin muka waktu iklan…he…
2. Pajang poster pemaen kesayangan lo di depan….he….lumayan bikin gak ngantuk, lebih manjur dari kopi…kikikik
3. Jauhkan ember, sandal, piring ma kompor dari jangkaun Nyak sama Ncang, soalnya kalo Oyen tereak-tereak semua bisa melayang secara otomatis
4. Siapin susu, singkong, pisang, kacang, lan sak panunggalane….kalo tim lo kalah habisin tuh makanan semua sepiring-piringnya, biar tetep bisa tiduuurrr
5. Terakhir tapi tidak kalah penting, siapin sajadah ma mukena, sapa tahu tim lo butuh do’a lo buat menang, kan lebih khusyu’ nontonnya…ha…ha..ha

Tapi bener dah, jaman dulu Oyen bener-bener ancur kebiasaannya, tapi jangan di tiru yah. Sekarang pan udah rada sadar tuh, kagak ngibulin Nyaknya lagi, kagak cinte buta lagi, kalo dulu nonton bola wajib en tahajut sunah, sekarang tahajut wajib n nonton bola sunah…eh sory…mubah…asal gak bawa mudharat n gak lalai ma kewajiban, jangan sampe ketagihan.

Eh, tapi waktu entu Ncangnya liat Oyen masih nonton, pan cowok-cowok keliatan ntu aurotnya, celananya di atas lutut semua seh, tapi dasar Oyen, bisa aja ngelesnya, kata Oyen..”Ye…sapa nyang ngliatin cowoknye, orang Oyen cuman ngliatin bolanya lari kemane…” huehehehhehehe

Pokoknye sekarang prioritas kite ibadah dan dakwah, jangan sampe kalah sama hal-hal duniawi nyang melenakan. Dan pesen Oyen, kewajiban jangan mpe kalah ma nyang sunah, apalagi nyang mubah, biar hidupnya berkah……he…..HIDUP OYEN!!! AYO SEJAHTERAKAN OYEN!!!