Arjuna Mencuri Sinta

Oyin lagi asyik-asyik santai ngupil sambil ngemil ketika secara mendadak makbeduduk terdengar tereakan Nyaknye yang menggelegar seperti petir di siang bolong.

”Oyiiinnnn….Kebonya belon dimandiin, buruaaannnn…..” PRANGGGG….seketika selusin piring pecah berantakan karena tereakan Nyaknye yang berkekuatan 3 skala richter (leubay.com).

”Ih, Nyaakkkk…..mualez aahhh….ini pan jadwal Oyin sante. Kebo dimandiin juga tetep kebo, gak tambah cakep…..entar ah” kebiasaan Oyin nyang sering sewot sama perintah Nyaknye. Akhirnya Nyaknye nyang nuntun sendiri tuh kebo menuju empang nan permai.

Tit…tut…tet…tot….tuuuuuttttttttt. Walah bunyi apa’an tuuuh? Ternyata nyang tit tut tet tot bunyi cememes HP ne Oyin, nah nyang belakangnye ntu bunyi tambahan, tanda perut manusie lagi mulezzzz. Oyin jadi mangkin idup setelah mbaca cememes dari si Lastri, konon si Joni lagi maen di empang…xixixixixi

”Nyaaaakkk…..mana kebonyaaaa….biar Oyin nyang mandiiiin” GUBRAKKKK….giliran Nyaknya nyang ketimpa kebo begitu denger tereakan mendadak makbeduduk Oyin. Tapi abis entu Nyaknya senyum sok manis ngeliat anak atu-atunye lumayan agak sadar kali ini .

Sampe di empang dibiarkanlah Sinta dan Santi mandi sendirian, lalu si Oyin beranjak memata-matai si Joni, gebetan barunye. Giliran si Joni nyadar ngeliat ada mata aneh di balik rumput gajah, langsung lari tunggang langgang takut bukan kepalang, konon lapor ke temen-temen, di empang ada penunggunye. Tadi die ngeliat ada mata aneh tapi kagak ada kepalanye…hihihihi…getu kata si Joni ke orang-orang. Denger begitu si Oyin jadi sewot, masak anak sok kecakepan gini dibilang penunggu empang, beuhhh…( manyun.com)

Baliklah si Oyin ke pangkalan Sinta dan Santi, dan kini matanya tambah terbelalak mpe item-itemnya mau jatuh, ternyata kebonya tinggal atu…si Sinta ilanggg….huwaaaa….si Oyin jadi histeris nyariin si Sinta kemana-mana. Mpe nyasar pulang ke rumah.

”Nyaaakkkk….Sinta ilanggg…..huhuhuhu.…” sambil ngeluarin air mata bukan buaya.

”Kenape bisa ilanggggg.…????” tanya Nyaknye penuh tanda tanya dan masih bertanya-tanya.

”Iye, gara-gara si Joni Sinta jadi lariiiii….huwaaaa.….” Tangis Oyin nambah kentjeng berharap dapet pengampunan dosa dari Nyaknye.

”Hah! Masak kebo lebih cakep dari anak Enyak, mpe si Joni ngejar-ngejar Sinta?????” tanya Nyaknye mangkin penuh tanda tanye, nyang mbikin Oyin mangkin kentjeng nangisnyeee.

”Whoaaaaa…..Nyak tegaaaaaa….bukan entu…, tadi Oyin tinggalin tuh Kebo buat ngintilin si Joni nyang lagi main di empang, trus pas Oyin balik, si Sinta udah ilaaangggg…..” Denger cerita Oyin nyang akhirnya keceplosan jujur mbikin Nyaknye jadi mendelik dah.

”Gitu tuh akibatnye kalo amanah orang tua disepelein, niatnye udah gak bener, biarin!!. Pokoknye harus cari mpe ketemu. Entu kebo bakal biaya lo buat nerusin sekolah. Kalo gak ketemu berarti lo kagak bisa nerusin sekolah” Kali ini Oyin bener-bener mbikin Nyaknye sewot dah….hmmmm

Dan tanpa diduga, beberapa saat kemudian muncullah si Maman, mantan gebetan Oyin sambil ngegandeng dua kebo, nyang ternyate salah satunye si Sinta. Dan dari cerite si Maman, ternyate kebonye, si Arjuna demen ma si Sinta, mangkanye die ngejar-ngejar pas di Empang…getuuuu…

”Mangap ya Yin, ni kalo judul pelem namanye Arjuna mencari Sinta” kate si Maman polosss. Si Oyin manyun dah, karena gara-gara Maman Nyaknye jadi sewot ma die.

”Bukaaaaaaan….tapi Arjuna mencuri Sintaaaa…beuhhhhh” sejurus kemudian dilarikanlah Sinta ke dalam kandang. Lalu Oyin minta mangap ma Nyaknye, udah ngelanggar amanahnye, udah salah niatnye, udah pahale kagak ade, bikin Nyaknye gak terime, si Sinta ngilang lage, ngeborong dah ruginye. Dan Oyin janji gak lagi-lagi….. semoga.com

About these ads