Kabar dari Jenab

Jenab sekarang kagak nangkring di pos bakso lage, ude merantau ke luar negeri (luar negeri Jengkol mangsudnye), nyari pengalaman nyang berarti, kerja jadi setap periklanan tipi. Wah, Oyen ma Munaroh ikut hepi dah, soalnya berarti Jenab agak berkurang ngemil baksonye, dan duet maut eneh bakalan kacipratan rejeki di awal bulan, walaopun cuman permen kojek setengah tusuk buat bedua (dan biasanya Oyen kebagian tusuknya dowang ), nyang penting ikhlas, walau nerimanya rada memelas .

Hmm, kire-kire ada kabar ape ye dari Jenab? Sekarang Jenab kagak gaptek lage, jadi kirim kabar kagak pake kaleng nyang dibenangin lagi kek dulu, udah bisa cememesan, sebukan dan Ye Em an. Jiah, kemajuan. Ini neh rekaman hasil konsultasi Jenab sama Oyen beberapa hari nyang lalu saat YM Oyen lagi pengen kedip-kedip alias ngonline,

Jenab : Yen, aye binun neh ma kerjaan baru. Udah mah kagak ada nyang bisa di embat, ngitung-ngitung data nyang bikin puyeng lagi. Wedew, bisa kurus dengan terpaksa neh kalo begini, gak rela Aye. Tulungin dwong Yen, suruh Pak eR Te kesini buwat ngajarin

Oyen : Beuhh, kagak boleh. Kalo Pak eR Te dikeluarin dari Kampong Jengkol, entar Oyen kagak dapet inspirasiii…Lagian, masak disana kagak ada nyang bisa ngajarin seh?

Jenab : Ya ada, cuman kagak pada punya waktu katanyah. Jenab binun Yen, jadi pengen buka warung bakso aja dah

Oyen : Halah, lo tuh kalo buka warung bakso palingan cuman majang tenda dowang, lha baksonya elo embat ndiri. Lagian elo udah tau pan kerjaannya apaan…

Jenab : iye seh, cuman belon biasa pake sopwer kek gini, mblibet dah

Oyen : Diusahain dolo, tanya sapa nyang bisa ngajarin, kalo perlu diluar waktu kerja, Lo jujur kalo belon mahir, sambil Lo juga tetep berusaha sendiri nyari tahu ke orang lain atau mbaca-mbaca gimana ngoperasiin tuh sopwer. Tenang dah, kagak sebahaya Lo ngoperasi kupu nyang kena komplikasi. Nyang penting lo cinta dolo ma tuh kerjaan, Ye. Sambil minta dah sama gusti Allah, biar ngasi nyang terbaik. Sapa tahu entar jadi bintang iklan susu tjap kopoe pinksun.

Jenab : *emo binun

Oyen : Udah, nyang penting usaha dolo, jangan nyerah sebelon usaha. Kalo lagi bete, pajang poto Oyen di meja, sampingan ma poto Pak eR Te *kebayang cocoknye

Jenab : *emo binun

Oyen : Entar de Oyen tanya’in ke yang lain jujja, sapa tahu ada nyang bisa bantuin konsultasi dari sini, ye?

Jenab : *emo binun

Oyen : Wedew Nab, jangan binun mulu dwong, jawaaabbbb….

Jenab : *emo binun

Sekian lama Jenab gak ngasi jawaban, Oyen gantian dah njawab konsultasi penggemar dari Kendal, nyang ngakunyah jadi guru matematikah, nyang konon katanyah mo bikin Kampong Jengkol jadi wah, walaupun ternyata ujungnya menjarah dan menjajah, dengan menculik si Pandah nyang mempesonah. Oyen termakan rayuannyah, sungguh gak disangkah…hiks…hiks…*menetes air mata buayah .

Akhirnya si Jenab nongol lage dah,

Jenab : *emo nyengir

Oyen : Alhamdulillah gak binun lagi, semangat ya Nab belajarnye

Jenab : iye Yen, akhirnya semangkok bakso nyang Jenab tungguin udah tiba, tadi kelaperan, udah ya Yen, opp dulu, Jenab mo makan bakso…xixixixiixixi

Jenab oppline

About these ads