Sohib Beneran

Si Oyin konon lagi binun bin manyun, ngerasa ada nyang kagak peduli ma die. Temen-temennye cuman demen pedekate kalo ada maunye. Kalo kagak dibutuhin lagi, siap-siap dah ditinggal pergi. Oyin jadi ngerasa, kagak bisa jadi sohib nyang baik buat mereka. Owh, sedihnya

”Ncing Oyen pernah gak seh ngerasain apa nyang Oyin rasain?” Curhatnya Oyin suatu kali sok serius dan sok beneran

”Lebih parah Yin. Jaman sekolah temen Oyen bisa diitung dengan jempol, karena Oyen kagak pinter, kagak bisa matematike, fisike dan semuanye, bisanya pelajaran nyanyi potong bebek angsa dowang, kagak kaye dan kagak bisa cerite, dan satu lagi kagak modis dan gaul kek selebrete. Boro-boro ada nyang pedekate, nyang ada pada ngejauhkate” kate Oyen mpe bebuse.

”Trus, apa nyang dipikirin Ncing pada saat itu, bolehkah kutahu?” tanya Oyin lagi sambil majang muke sok lugu

”Sedih se pernah, tapi biasanya cepet ilang karena kalo lama-lama ni badan mangkin mengkerut kek marmut nyang kelaperan mo semaput. Nyang penting masih ada nyang peduli sama Oyen, sapa lagi kalo bukan keluarga kite” Oyen ngaku de akhirnye

”Masak se, trus gimana caranye sekarang bisa punya banyak sohib beneran, kagak sohib-sohiban kek dolo?” Selidik Oyin lagi belagak kek detektip kurang ahli

”Entu kuasa Allah. Allah ngetemuin Oyen dengan banyak sohib beneran, nyang cinte sama Oyen karena Allah, bukan karena nyang lainnye. Nyang mbikin Oyen bisa ngerasain hadirnye sekalipun orangnye kagak ade, karena sohiban nyang karena Allah kagak ada matinye. Kalo Oyin belon nemu, buruan nyari sohib kek gitu, kalo berkali-kali nyari masiiih belon nemu juga, jangan-jangan Oyin nyang kagak layak ngedapatinnya?” Beuhhh….nyemprot lagi ni mulut, untung Oyin selalu pake helem kalo ngomong ma Oyen.

”Ah, Oyin uda nemu kok. Pasti Ncing Oyen, Ncing Jenab ma Ncing Munaroh cinte ma Oyin karena Allah, iye paannnn….ayo ngakuuu….” kate Oyin lagi sotoy

”Yeeee…pedeeee…Emang Oyin sohiban ma Ncing karena Allah jujja?” Gantian dah Oyen nyang sok detektip lebih ahli

”Iye. Karena kalo kayanya, Ncing masi belon kaya. Kalo pinternya, masih biasa ah. Kalo cakepnya, masih mendingan Oyin… xixixixixixixi…. Jadi ya, karena Allah aja lah” jiah, ini mah kepaksa jujja.

”Tapi….Oyin beneran cinte kok ma Ncing, InsyaAllah kate Pak Guru nyang sok tahu, komutatif jujjaaa, Oyin mo bilang tapi jangan muntah yak…..” Jah, pake warning segala

”Oyin cinta ma Ncing karena Allah….” dan ternyata,

“Hoeeeekkkkks…….muntah juga, tapi percaya kok” kate Oyen pasrah mpe tambah kurus.

Ah, Oyin. Makasih yee….

Makasih juga buat Oyin-Oyin nyang lain, nyang suka ngintipin Kampong Jengkol dengan niatan tulus, bukan karena ngarep Jengkolnye, apalagi sama nyang punya kampongnye (halah, pede amat ). Makasih ye kunjungannye, semoga dibalas Allah dengan belipet gande