Kenangan Kuchek Kuchek Hota Heee

Tau gak pelem Negara mane nyang paling bikin Oyen Be Te….pelem Indieee…soalnya dialognya sok puitis, narinya kelamaan, polisinya selalu datang telat mulu mpe lakonnya keburu mati, sukanya nggagalin nikahan orang lain, gak nahan goyang kalo udah liat tiang ma pu’un nganggur, trus namanya musti kalo gak vijay, vikram atau Raj…huh (yah, kagak suka kok apal…. ). Apalagi jaman dulu tipi di tetangga nyang nyambung parabola punya tetangga nyang lain, tipi Malay selalu ada tayangan pelem Indie, nyang seneng jelas Ncingnye Oyen karena emang paling demen ma pelem ginian. Mending nonton bola deh jaman dulu mah….(waktu Oyen belon tobat..he.. )

Suatu ketika jaman dolo kala, Oyen diajakin nonton bareng di rumah temen, kirain pelem apaan…ternyate pelem Indie nyang katanya lagi heboh-hebohnya bahkan mpe Holliwood segala boomingnye. Masak seh, Oyen jadi penasaran juga ma ni pelem. Ya udah Oyen ikutan aja, lagian pas jaman SMA masih suka ikut kesana-kemari gak tentu arah, karena kagak liat penunjuk arahnya…getuuu. Eh, ternyata nyang diputer ntu Kuchek Kuchek Hota Hee, nyang diperanin Mbak Kajol ma Akang Khan. Mbak Kajol ntu cewek nyang manisnya mirip Oyen dikit (kata Babe Oyen dulu…hee ). Wah, ternyata ini pertama kali Oyen nonton Indie en pertama kali juga nangis di depan umum…hua…hua…hiks…hiks

Oyen nangis karena konon kisah tragisnya mirip sama kisah cinta Oyen jaman dolo (Hoeeeeksss….. ) cuman bedanya akhirnya di pelem ntu cowoknye sadar kalo ternyata cinta mampus ma Kajol, nah kalo kisah Oyen ntu cowok kagak pernah sadar, karena emang gak pernah suka sama Oyen…huahahaha…(Kate Jenab: itu mah jauh kale Yen bedanya). Yah, salah Oyen sendiri seh, masak Upik Abu kesemsem sama Supermen, dimana-mana tuh pasangan nyang paling pas buat Supermen ya cuman Lois Lane, kagak bakalan kejadian ma Upik Abu, kalo beneran keknya tuh Supermen matanya dah minus 10 dan kagak bakal bisa terbang lage, cos udah eneg ngliatin Oyen..bhua..ha..ha..(Supermen ingat Upik Abu gak yah…huehehe… ).  Yah, tapi kan jatuh cinta ntu hak setiap orang, nyang penting kita bisa menempatkan rasa cinta itu dengan semestinya, tul gak..(GAAAAAKK…..kompak bener dah kalo protes ma Oyen, pada sentimen semua keknya ). Nyang penting cinta musti didasari karena Allah, iye iye

Tapi abis ntu Oyen kagak pernah nonton pelem India lage, bukan karena gak mau, tapi waktu mahasiwa di kostan kagak ada Tipi, kalaupun ada kagak boleh nonton selain berita ma inpormasi. Jaman-jaman heboh F4 aja Oyen kagak tahu ntu sapa…mpe bingung kok pada suka sih ma tuh cowok empat nyang cuman cakep (lah ya itu alasannya, gimana seh…). Paling gak itulah satu-satunya pelem India nyang Oyen tonton mpe 5 kali (apa lebih yak… ) en 5 kali nangis juga…bhua…ha…ha…

Kata temen Oyen nyang dolo bikin sirik karena lebih cakep dari Oyen (dolo yee… ), “Mangkanya Yen, kalo benci jangan lebay, sapa tahu lama-lama demen…wkwkwkwkwk” Iye dweeeee….

Cuman sekarang harus pake standar, benci dan cinta karena Allah, insyaAllah kagak bakal salah dan kebolak-balik

Koi mil gaya….mera dil gaya…jihaaa…(awas pegangin jempolnya )