Sakit Ati vs Sakit Gigi

Konon kata Bang Meggi Jet lebih baik sakit gigi daripada sakit ati, tapi kate Jenab lebih baik sakit ati daripada sakit gigi. Keknya Bang Meggi ngomong getu karena keseringan sakit ati dan kagak pernah sakit gigi (masih punya gigi gak seh?) dan Jenab ngomong getu karena keseringan sakit gigi dan kagak pernah sakit ati, tapi keseringan nyakitin ati orang (ngakuuuuu…). Ya iyalah Nab, kalo udah sakit gigi lo kagak bisa ngembat baksoo…beuhhh….

“Kalo Oyin kagak demen sakit mata Ncing, suka gak bisa bedain mana Asep dan mana Arjuna” Halahhhhh….dasar cewek mata keranjang bolong

“Kalo Ncang lebih parah, giginya ikutan sakit gara-gara sakit ati” Oyen jadi keinget Ncang jujja dah

“Halah, parah amat Yen, kok bisaaa…” Tanye Munaroh pengen ngarti sambil ngemut chiki

”Iyeee….dolo pernah diputusin ceweknye dan pulang-pulang sepedanya nyenggol pu’un rambutan, giginye jontor” terang Oyen

”Bah, entu mah udah jatoh ketimpa Aye Yen….dobel sakitnya” demen dah Jenab nanggapin nyang beginian

Hmmmm….entah sakit ati entah sakit gigi nyang jelas nyang namanya sakit kagak ada nyang enakkkk. Tapi sehat dan sakit musti tetep disyukuri, disyukuri karena sakit kalo kite sabar peluang dapet pahala dan nggugurin dosa, dan syukurilah disaat sehat karena kesempatan untuk terus memperbanyak ibadah dan mendekat sama Gusti Allah.

*buat nyang lagi sakit, moga cepet sembuh ye….. karena sakit itu jeda, kalo gak pernah sakit, gak bisa ngerasain alangkah nikmatnya sehat… Oyen kabur bentar ye, karena kabur entu juga jeda, kalo gak kabur gak bisa ngerasain indahnya kangen… (jiaaaaaaah….kepedean Lo Yen… )