Suami buwat Oyen

Sebelon Merit

Gene neh waktu status Oyen masih juomblowww wow wow, banyak tawaran berseliweran (emang dijual berapa? Xixixixixi). Doh! Coba Oyen boleh pilih semuanya (halah)…

“Yen, entu anaknya Cak Haji Juki demen ma Lo, anak tunggal Yen, pewaris tahta kerajaan Kebon Jengkol se Kampong Jengkol, pan aye bisa kecipratan barang sehektar, pegimane?” tawaran dari Ncang Ucup nyang kagak lelah ngebujuk Oyen wat nerima tanpa syarat

“Yen-yen, Lo cocok sama si Ujang, sama-sama anak kuliahan, tinggi dan keker lagi, biar bibit Lo entar bisa hebring, gak bonsai kek eLo…xixixixixi” ide si Oyin seketika disambut cengiran khas Oyen nyang lebih mirip sama Drakula kumat

“Yen, Lo mao gak ma abang Aye, udah pegawai negeri Yen, idup Lo bakal kejamin dah, rumah, tanah ma kendaraan dah tersedia, pan entar kite bisa iparan… aye juga bisa mangkin deket ma sepupu Lo nyang kek orang arab entu…xixixixixi” tawaran dari Entin, mantan temen Se De nyang ngepens berats ma sepupu Oyen nyang dibilangnya mirip orang Arab cuman gara-gara idungnya kepanjangan dan demen pake sorban

Belon lagi tiyap kali silaturahim ma Ibu pengurus pengajian Kampong, begitu pantat ini barusan duduk, langsung eneh yang ditanyain,

“Oyen dah ada calon belon? anak Ibu juga masi jomblow loh?!” Glek! Anaknya nyang masi TK juga ditawarin?!! Hedeh…

.

Setelah Merit

Howaaa… Oyen akhirnya meritttttttt. Seketika Jenab, Munaroh, Oyin dan nyang lain pada penasaran ma laki-laki pilihan Oyen, karena gak ada satupun nyang ditawarin ke Oyen diterima.

“Oyennnnnn… kok pilih die seehhh????” perotess Jenab cs suatu kali pas airnya ngeluap

“Bukan Oyen nyang pilih die, tapi Allah nyang pilihkan die wat Oyen, dan Oyen tak kuasa untuk menolaknya” cieeeeeeeeeeeee……

“emang Gusti Allah mbisikin ma eLo, yakin amat seh!” gini neh kalo masih kagak terime

“Ya kagak, tapi Oyen mantepnya ma die. Biar gak kaya nyang penting kuat ibadahnya, biar bukan dokter nyang penting dakwahnya santer, biar cuman lalaki biasa nyang penting anti biasa (halah), biar gak sekeren bintang pelem nyang penting amalannya kagak burem” begetu kate Oyen mah

“Kalo Oyin seh tetep pengen dapet nyang ganteng tapi juga soleh, kek si Asep entu…xixixixixi” halah, sokyes Lo

“Oyin ndiri udah ngerasa sholeha belon? Pan kate Allah laki-laki nyang baik wat perempuan nyang baik, jadi laki-laki sholeh juga pastinya nyari nyang sholeha jujjaa” Munaroh juga fasih soal beginian, maklum pernah terjerat lingkaran perjodohan (halah).

“iye iye… pan Oyin masih luama Ncing, jadi persiapannya entar-entaran ajah”  jiah,kepedean

“tapi aye denger, si Asep dah siap nikah lho Yin” hedeh, tau aje si Jenab kalo beginian

“Ih, Asep pan baru lulus Se Te eM, masak mo nikah!”

“Yin, mo lulus Se Me Aa, mo lulus Se Me Pe, selama sudah baligh dan siap lahir batin serta siap ilmu, gak ada larangan wat nikah” begetu kate Teh Dingding mah

“Yahhhh…  kalo Asep maunya sekarang, Oyin belon siyap” halah

“Lagian kate sapa Asep mo ngelamar eLo, denger-denger seh ngelirik si Juleha tuh” Doh! Ada yang panas neh. Mewek dah si Oyin, ngerasa belon se sholeha si Juleha

“Udah Yin, jodoh Allah nyang ngatur, kalo gak jodoh biar sering ketemu juga gak bakal bisa bareng, gak selalu kisah kite entu kek Cinderella ma Pangeran, tapi bener kate Munaroh, laki-laki nyang baik cuman buat perempuan nyang baik, jadi yakin saja sama Allah, kelak Oyin bakalan dapet yang paling pas, kek Ncing sekarang. Biar kate orang gak secakep Asep, gak seterkenal Enol dan gak sekaya Juragan Jengkol, nyang penting bisa ngebimbing ke surgaNya, tempat paling indah di seantero jagad raya. Mau kan diajak kesana?” ngangguk-ngangguk dah si Oyin

“berarti Ncing pilih die karena yakin bisa bawa ke surga?”

“InsyaAllah, do’ain ye” kate Oyen sambil senyum muanis buangets (beneran!).

Alhamdulillah, semoga barokah menyertai pada apapun yang kita pilih karenaNya. InsyaAllah….

About these ads