Ayo! Cape Lagee...

Sejak si dedek pake kudung kesana kemari, mangkin banyak aje nyang demen ngirim kudung tjantik wat si dedek (kok gak Umminya sekalian seeh… *ngarep). Dari nyang putih gigi (agak kuning mangsudnya), biru laut selatan, merah setan (kebalik Miii), ijo kolor (Jiah, diulang lage), mpe nyang pinky winky (Ayo nyang belon ngirim masih punya kesempatan…xixixixixi).

Eeeeeh, tapinya kapan lalu entu waktu si dedek lagi nangkring di angkot, ada Ibuk-ibuk nyang mbilang, “Kasian tuh dedeknya, panas-panas geneh dikudungin, keringetan tuh Neng” sambil nunjuk keringet dedek di jidat nyang segede bolanya Tole (lebay dah)

“Gak apa-apa Buk, biar terbiasa ngejalanin aturan Allah” kate si Ummi sambil ngelap keringet di dahi si dedek. Si dedek mah asyik aje ngeliatin keluar jendela, sambil ngitung mobil lewat keknya (Halah! Ummi sotoy!).

Dan mangkin hari si dedek hapal, pokoknya kalo Ummi mao masangin kudung, mancal-mancal deh kaki sama tangannya tauk kalo mo diajak keluar. Dan semoga kelak si dedek juga ngarti, kalo nutup aurot entu perintah Allah nyang wajib ditaati, entah siap entah kagak, entah panas entah kagak, entah orang Arab entah warge Kampong Jengkol, kewajiban entu pasti ketetapannya. Dan yakin aje, selama ngelakuin karena Allah, Allah bakalan ngasih kite kemudahan dan jalan keluar… Aamiiin ….

Ni pesen si dedek,

“Assalamualaikum, Ammah, Bude, Embah, Pakde, Om… dedek mo ngaji dolo yoaaa, Ayo! Cape Lage nyang mo ngirim kudung, bakalan diterima dengan senang hati, apalagi kalo ngirim juja wat Ummi… xixixixixi” whoa, dedek emang Oye!

*

Wat tante Inon, ayo semangat!

About these ads