Kalo Jodoh kagak Kemane
Kali ini Tiga Dipa plus Oyin ikutan piknik ibu-ibu PKK ke kebon taneman, bukan binatang, takut entar Oyen dikerangkeng. Ternyata neh kebon banyak nyimpen beragam taneman, dari rumput nyang bisa diinjek, pu’un semangka nyang buahnya kek semangka, pu’un penghasil buah aroma therapy kek jengkol, pete, dan bunga bangke, kembang sepatu mpe kaos kaki, kembang kupu-kupu nyang ampir mati tapi masi kuat bediri, mpe ada pu’un jodoh segala.
Iye, kata nyang punye kebon, tuh pu’un jodoh buat sapa aja nyang pengen dapet jodoh atawa pengen langgeng ama pasangannya. Jadi kite bisa nulis nama kite ma calon pasangan kite trus digantung di pu’un entu, dan katenye tuh pu’un mujarab ngasi jodoh ke kita. Hmmm…pada semrintil dah tuh para jomblowati, terutama si Oyin ma Jenab. Paling demen dah ama nyang begituan, padahal udah dibilangin mpe bibir Teh Dingding manyun 70 centi, kalo jodoh entu cuman Allah nyang ngatur.
Akhirnya dipasanglah tulisan Oyin&gebetannya beserta Jenab&buruannya trus ditangkringin di entu pu’un, sambil terus komat-kamit berharap tuh pu’un beneran ngabulin harepannya bersanding sama pangeran idaman nyang bermercy, kagak lagi berkuda. Lalu tuh duet maut tersenyum menyeringai ninggalin entu pu’un.
Sekian waktu berlalu, Oyin dan Jenab masih menanti apakah jawaban dari entu pu’un. Dan rupanya penantian Jenab pun terjawab sudah. Sebuah undangan bersampul emas perak kehitam-hitaman rada burem nyamper ke teras rumah Jenab, dan setelah dibaca lepaslah segelinding baxo dari mulut Jenab. Ternyata nama nyang ditulis di entu pu’un jadinya sama orang lain. Oyen pikir Jenab bakalan manyun 70 centi jujaa, tapi malah senyum dan masukin bakso nyang udah nggelinding tadi ke mulutnye lagi.
“Alhamdulillah, Aye pikir lo bakalan sedih Nab, untunglah Jenab bisa nerima dengan ikhlas, kalo si Jajang bukan jodo elo” kate Oyen sambil senyum manis kek biasanye 🙂
“Tenang Yen, pan masih ada kesempatan buat kedua, ketiga dan keempat” Kate Jenab sambil nyengir kuda, mbikin Oyen agak sedikit melongo. Iye juga seh… 😀
“Xixixixixi….kire-kire entar si Asep jadi ma Oyin kagak ye” kate Oyin sambil ikutan nyengir
“Ohhh…jadi Elo nulis nama si Asep Yin, eleuuhhh….lo nyari elmu dulu nyang bener Yin, biar jadi calon ibu hebat, baru mikirin jodo…beuhhhh” kate Munaroh nyang pernah sewot gara-gara dipaksa nyari jodoh.
“Tenang, sambil menyelam minum susu, sambil sekolah sekalian nyiapin nikaah…xixixixi” Kate Oyin lagi-lagi mbikin Oyen melongo. Tapi, iye juga seh …. 😀
“Ncing Oyen ngape kagak ikutan nulis di entu pu’un? Pan sapa tauk jadi, soalnya dari dulu kagak ada nyang jadi…xixixixi” jiah, si Oyin ngungkit-ungkit lagi.
“Kagak pake, kite musti percaye cuman sama Allah Yin, walaupun udah banyak nyang lewat tapi belon jadi ya, entu belum jodoh. Musti ikhlas, nyang jelas Allah udah nyiapin nyang terbaik, entar disaat nyang tepat, kalo kagak sekarang ya nanti, kalo gak di dunie ya di akhirat” kate Oyen mpe rada nyemprot kemana-mana, mbikin Oyin menjauh beberapa langkah ke belakang.
“Iye, iye…kemaren juga main-main doang kok. Ngemeng-ngemeng, Oyin juga nulisin Ncing Oyen kok di pu’un entu, sapa tauk jadi…xixixixixixxi” wedew, usil bener dah.
“Emang elo nulis aye ma sapa???” tanya Oyen penasaran
“Sama Arjuna, soalnya jomblo juga abis ditinggalin Sinta…..wkwkwkkwkw” kurang ajaarrrrrrrr…. rrrghhhhhhh…… 👿 👿 👿
*** ini postingan pesenan dari Mbak Intan Rawit , nyang penasaran sama pu’un jodoh di National Park of China, Hainan 😉
Ouw …
Jadi Arjuna nih ?
BTW si bungsu ku itu nama tengahnya juga Arjuna lo …
🙂
___________________________________
HUWAAA…iya yah…xixixixixi…
entar kebonya Maman Oyen suruh ganti nama aja dah 😛
Bener itu
_________________________________________
nyang mana? 🙄
jangan lupa mampir ya
weh mbak kok fotone ga ketok yoo mbak…wedhewww..oh aku ngerti saiki pulau Hainan nangdi mbak..hehe..tinggal nyebrang seko beihai..
__________________________________________________________
jangan lupa nyebrang ya Mbak 😛
Hm…
Rasanya…
Nyut-nyutan.!!!
__________________________________________
minum obat dulu 😛
dooooo…..hhh…….. jadi juga neh sama Arjuna atau balik lagi sama si Maman yg mantan itu? 😛
salam
________________________________________________
wedew, masak sama kebo.. 😦
tampilan baru neeh yen..?
nah ntuu dibo9or juga ada yen..
di kebun rayenye,masih ingetkan?
ada juga tuch,nyang katane klu abis dari puun itu dan duduk dibangku yang dibawahnye bakalan dapet jodo 😀
_____________________________________________
Ohh, pantes waktu entu Ncing Wiend lama banget ngendon di bawah tu Pu’un 😛
ada ada ajeh manusia 🙂
ghalib:
ini nih nyang bikin aye bangga banget ame ncing oyen, kagak terpengaruh ame nyang kagak beginian. asel tau aje, babe aye juga paling anti nyang nyerempet-nyerempet ke syirik, kate babe, kalo kena penyakit syirik dijamin kagak selamat dunia akhirat!!!
*kultum ampe mulut berbusa sambil nunjuk2 kayak da’i cilik
_______________________________________
Ah, ghalib…mocok ceeeehh 😳
rizky:
ooo…pantes babe suka marah kalo ade nyang bilang kebon raya bogor ntu bisa buat cari jodoh???
_______________________________________
lah, bukannya mudanye babe suka ngendon di bawah tu pu’un, kagak ngaku tuh 😛
Di kampung sebelah juga ada pu’un jodoh Yen, Jenab mo nyoba ahhhh…. hahahahaha…..
_________________________________________
dari jaman jebot lo kagak nyadar-nyadar ye Nab, ampun dah 😦
🙂 ada lagi satu mitos…lempar koin ke dalam kolam keramat..sambil nyebutin nama orang yang kita incer..katanya manjur..
he…he…he…mana mungkin pula itu..
lucu ya..di zama milenium..masih banyak yang seperti itu..:
salam y buat jenap..ama kebonya oyen…