Skip to content

Tentang Lalaki

16/07/2010
by

Biar gak garing, Oyen mo ngomongin soal lalaki, biar nyang mbaca kaum perempuan juga demen. Masak dari dolo cuman nyeritain Oyen, Munaroh, Jenab ma Oyin, beuhhh, walopun nyang aki-aki pada demen, tapi nyang estri-estri musti pengen muntah, cuman di pendem dalem ati (kaleeee….).

Walopun Oyen 100 prosen cewek tulen, tapi idup dalam sekawanan lalaki biasa nyang wagu dan gak mutu. Ada 4 urang lalaki di rumah, nyang lebih aneh dan nyeleneh dari Oyen. Entah ini musibah ataukah berkah, babe ngelahirin 4 anak lalaki nyang gak ada satupun yang seganteng kang Dude Harlino dan sejenius Opa Einstein, mangkanya Ncang dan Adek Oyen kagak ada nyang bisa diorbitin jadi artis, sekalipun cuman stunman nyang nggantiin perannya si pitung nyang nyungsep di kawah Pangandaran.

Oyon, Ncang pertama nyang kate tetangga “agak kurang waras”, tapi tiap kali ditawarkan ke RSJ Kampong Jengkol, gak lulus pit en proper tes, karena standar gilanya gak memenuhi skala RSJ. Dolo cite-citenye jadi betmen, karena demen nakutin cewek kalo tengah malem, berharap nyang ketakutan bisa diselametin ma die. Sering ngibulin gurunye, ngakunye perutnye mules karena datang bulan (heran, kenape gurunye percaye ye, apa meragukan ke lalakian Ncang, bodo ah), padahal main kertu dan minum kopi di kantin depan. Hobinya makan sambel tumpang dan naik bis ekonomi. Karena kalo makan nyang elitan dikit kagak punya duit, trus kalo naik bis AC suka masuk angin sebelon mesin dinyalain (yah, ketauan orang udik, malu-maluin Oyen ajah).

Ucup, Ncang kedua nyang mirip bule Afrike, saking item dan tingginye. Dolo suka gak pede kalo ngaca, mpe tiap kali ngaca dipecahin tuh kaca, gara-gara ketakutan liat bayangannya ndiri. Tapi tiap liat tetangga depan jadi ningkat pedenye, karena tetangga depan urang NTT nyang dapet bule jawe nyang cantiknye gak terkire. Kate Ncang, “die aje bise, apalagi aye” dengan pedenye. Hobinye jual beli, mpe gak keitung lagi udah berapa barang dirumah nyang dibeli Babe tapi dijual ma die. Tapi gene-gene die punya fens juga, konon pernah dikejar-kejar pulisi. Nurut die seh karena cakepnye keliatan, soalnya waktu entu gak pake helem.

Encep, Adek Oyen selanjutnya nyang pernah hampir mo dikutuk ma Enyak. Ncang pernah begetu tega njulukin neh anak ‘si raja sial’, walaupun gelar itu sekarang udah dicabut. Gimana enggak, masak mbikin jus kagak tahu udekannya ikut ke blender. Kata die ”Lah, mana udekannya ye?”, eh pas blender dimati’in dan jus dituang, baru nyahok ternyate ikut di blender. Dan parahnya kayak getu gak cuman sekali, tapi berkali-kali, mpe lama-lama udekannya lumer kek es krim. Pernah juga minjem kartu ATM Ncang, kate Ncang Oyon, ”Ati-ati loh, entar ke telen kartunye”, kata Encep, ”Tenang, kagak bakalan”, ehhh, beberapa saat kemudian Ncang ditelpon Encep, katenye, ”Ncangg….kartunye beneran ketelen, ganas banget neh mesiiin…tulungiiin”, mendelik deh tuh Ncang. Waduuh, masi banyak deh, tapi gak usah lah, entar kalo die baca bakalan di acak-acak blognya Oyen.

Entong, adek Oyen berikutnye nyang kagak mao kalah ma ponakan Oyen, si Tole nyang masi TK, sekalipun die udah SMA. Kalo si Tole mo nonton Ipin-ipin, si Entong pengen nonton lainnye, kalo Tole jajan di warung sebelah, si Entong juga pengen jajan di warung sebelahnya lagi, kalo Tole lari-lari mpe kejedot balon nyang nempel di tiang depan, si Entong juga pengen kejedot di tiang nyang lebih gede. Hmmm, bikin Oyen sering geleng-geleng ala Indie liat kelakuannye. Kalo mo minte duit manggilnye, ”Ncing nyang bagaikan Cinderelle”, tapi kalo disuruh belajar manggilnye, ”Iye, Ncing nyang bagaikan mak lampir”, beuhhh……👿

Hehehehe, tapi jangan salah, biar begetu mereka entu lalaki-lalaki spesial dalam idup Oyen, nyang semoga bisa jadi lalaki nyang sebenar-benar lalaki, bisa diandelin dan bisa jadi pemimpin, terutama buat keluarga mereka nantinye. Amin.

*Buat lalaki-lalaki di rumah Oyen, i lup u so mat…mat…mat😀

8 Comments leave one →
  1. Si "eN" permalink
    16/07/2010 20:23

    Sesama saudara semoga selalu hidup rukun.
    _____________________________________
    Amin, InsyaAllah kita rukun Pak, kalau lagi sadar:mrgreen:

  2. Laki-laki Biasa permalink
    17/07/2010 02:22

    Nah gitu donk, sesekali bahas tentang para laki-laki.. jangan perempuan mulu😀. Sinta yg sering nongol di sini aja jenis kelaminnya perempuan..eh..betina..
    ___________________________________
    halah, demen amat ama lalaki😛

    Sesekali bahas juga kenapa bisa punya nama Oyen Maroyen..hehe.. Dalam 1 postingan khusus a.k.a. edisi khusus..hehe..😀
    __________________________________
    ehem, penasaran banget ma Oyen keknya😛

    • Laki-laki Biasa permalink
      19/07/2010 16:12

      penasaran sih ngga, cuma pengen tau aja gitchu..😀
      ___________________________________
      lah, apa bedanya penasaran ma pengen tahu? ngeles ajah😛

      *hmm.. ada yg diedit nih.. hihihi.. :D*
      ____________________________________
      nyang mana? Munaroh keknya nyang ngedit:mrgreen:

  3. 17/07/2010 13:32

    Berat jadi Lelaki…
    Nggak cuman Sunat dan Ngingu Jenggot!
    Mesti berhadapan dengan perempuan juga je…
    Makanya Oyen jangan coba2 jadi lelaki😀
    (komentar saya nggak ada intinya)
    ___________________________________________
    ndak usah nyesel Pak’e, musti disyukuri, gak ada lelaki juga gak seru😛

  4. nh18 permalink
    18/07/2010 18:52

    Ow jadi lalaki di rumah oyen ntu namanya Somat …

    Ok …

    hehehe

    salam sayah
    _____________________________________
    iye Kek, ah kakek, kirain gak bisa nyimpulin😛

  5. Laki-laki Biasa permalink
    19/07/2010 10:02

    ganti kulit lagi nih.. hehehe..😀
    ___________________________________
    tauk2 Oyen balik udah ganti ndiri, punya tukang cat otomatis😀

    • Laki-laki Biasa permalink
      19/07/2010 16:16

      wahh.. kayak acara Bedah Rumah.. hehehe..
      ________________________________________
      bukan, acara The mAster😛

Trackbacks

  1. Tentang Emak-emak « Oyen punya cerita

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: