Skip to content

Kalo Lagi di Kebon

28/07/2010
by

Kalo di kebon siap-siap ajah kejungkel, nyungsep, keslimpet, kepleset, kejeglong, dan ekstra waspada. Kagak usah dandan nyang minor apalagi mpe menor (udah tauk lah kalo Oyen udah cakep, gak perlu di polesss….hoeksssss ), apalagi ketemu para lalaki nyang bukan mahram. Sekalipun mbelibet tetep pake gamis dan kudung nyang khusus di kebon, inget aurot musti dijaga. Kagak usah pake baju nyang melang-meling bin kerlap-kerlip buatan Adji Notonegoro. Kalo perlu kain bekas sprei juga kagak ape2 (kalo pede mah) karena musti pulang-pulang tuh gamis penuh luka tusukan duri, besetan getah dan goresan ranting. Jangan lupa pake sepatu keboon, karena di kebon alasnya kagak keramik, tapi tanah full beling, pecahan kaca dan remukan piring. Jangan sampe pulang-pulang terpincang-pincang karena belagak sok debus. Pake topi anti panas dan anti ujan, biar kagak kepanasan dan keujanan (beli di mana yah?). Dan jangan lupa kamera….biar di kebon narsis jangan ketinggalan…xaxaxaxxaxa Pfffh……pesen senior Oyen nyang super puanjang dolo sebelon Oyen tugas di kebon .

Satu lagi, karet gelang extra large buat nguncir bibir lo, kalo-kalo mo kambuh nyablaknyaBeuhhh….masih ada ternyate pesennye….

Eh iya, kalo ketemu cobra kagak usah nyapa dan sok senyum manis, biar kagak tersepona dan ngejar-ngejar loAlahhh…..belon sempat senyum udah pingsan kaleeee.

Musti banyak baca dan persiapan ilmu, karena petani biasanya banyak nanya, termasuk nyang bukan bidang elo….apalagi kalo masih single, siap-siap ajah ditanya”udah punye calon apa belonnn????Gubrak!

Siapin juga obat nyamuk oles, kalo abis musim ujan suka banyak nyamuuuk nyang super beringas dan ganas…kalo kagak lo siap-siap ajah nambah berat badan sekilo karena kebanyakan bentolAh, gak usah kuatir eneh mah, darah Oyen pan bauk jengkol….xixixixixi.

Nyang terakhir jangan lupa bedoa, semoga selamet tiba di tempat…yeeeOke deeehhh

Eh iya, atu lage….Pffhhh….apalage seeeh

Kalo bawa HP jangan lupe sinyalnya sekalian….xaxaxaxxaxaxa Parah lo!

Tapi Oyen demen dah di kebon. Ngeliat taneman nyang ijo royo-royo, ketemu petani nyang punya etos kerja nyang tinggi, sekalipun kadang masih terlilit kesulitan ekonomi. Berpetualang ala offroader nyang seru abis, dan pastinya dapat saudara di mana-mana…huehehehe….

Yuph, ternyata semua berawal dari rasa cinta. Kite kerja gak cuman buat numpuk harta. Kita bekerja harus dengan cinta dan niatkan ibadah, InsyaAllah gak cuman lelahnya nyang di dapet. Kate Teh Dingding,

Barang siapa yang menghendaki keuntungan di akhirat akan Kami tambah keuntungan itu baginya dan barang siapa yang menghendaki keuntungan di dunia Kami berikan kepadanya sebagian dari keuntungan dunia dan tidak ada baginya suatu bahagianpun di akhirat.” (QS. Asy Syuraa: 20).

***Jadi mangap ye, kalo lagi di kebooon…kagak bisa ngebloggggg….heuheu

11 Comments leave one →
  1. 28/07/2010 11:07

    Murid Ketiga akan selalu merinduimu Bu Guruu…
    ______________________________________
    rayuanpengencepetdilulusin hoekkssss

    Kebonnya seger banget tuh Bu, luasnya brapa kilo?😀
    ______________________________________
    sek, tak etung nganggo kalkulator sek😀

  2. 28/07/2010 11:58

    Makanya Yen, bawa sinyal sekalian… biar bisa onlen pake hape, hehe…:mrgreen:
    _____________________________________
    beli sinyal nyang gratis dimane ye Mpok ?😀

  3. 28/07/2010 17:33

    ati2 yo wuk kalo di kebon..
    kalo kentekan sangu call saya
    _____________________________
    tenang Pak Dhe, rebes!!!

  4. 29/07/2010 07:25

    Wingi ono potone kok ilang…😀
    _______________________________
    di protes Si Manis Jembatan Djengkol 😀

  5. 29/07/2010 17:36

    Iki judule …
    Serba serbi bunga rampai alumni fakultas pertanian … kehutanan atawa … Agronomi …
    🙂
    _____________________________________
    bukan, ilmu sotoy marotoy:mrgreen:

  6. 30/07/2010 04:21

    kebunnya dimane, mpok oyen? mau dong, berkunjung ke sana. *cihuy sedikit2 udah bisa membalas komentar di blog mbak oyen dengan bahasa betawi :D*
    __________________________________________
    nyablak never die :mrgreen:

  7. 30/07/2010 05:22

    See you in my kebon
    ____________________
    😀

  8. abu ghalib permalink
    30/07/2010 15:32

    Mau dunk kebun ane diteliti, kebetulan bulan kemaren ane tanam pu’un cempedak, kok buahnya malah buah cempedak? Kire2 kenape ye?
    __________________________________________
    bukan pu’un cempedak kaleee…diliat dolo, takut lupa:mrgreen:

    • Abu Ghalib permalink
      30/07/2010 23:45

      udah dilihat lagi, tapi kok malah jadi pu’un duren???
      binun
      ____________________________
      kalo liat pu’un cempedak, jangan sambil ngincer duren tetangga👿

      • abu ghalib permalink
        31/07/2010 10:34

        eh iye mpok, ane lupa. ternyata ane salah masuk, masuk kebon orang. ane jadi malu.
        _____________________________
        asal gak salah masuk kamar😛

  9. 30/07/2010 19:23

    seperti biasa, tulisan Mbak Oyen selalu penuh dgn hikmah dibalik nyablaknya Mbak Oyen.
    kerja memang perlu niat lillahi ta’ala ya Mbak Oyen.

    ngomong2 itu tadi di kebon jengkolnya petani ya Mbak Oyen?😀
    salam
    ______________________________________
    kebon djengkol calon suami Bun *halah:mrgreen:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: