Skip to content

Nyang Muda Nyang Berharga

28/10/2010

Wow… sekarang penampilan Oyin necis pisan euy. Kerudung super mini, baju super ketat, sabuk kedodoran, tas bermerk sekalipun plasu, dan tentengan BB sekalipun ngutang. Nyaknye sampe geleng-geleng dan guling-guling kagak nyangke anaknye bisa begaye kek artis sinetron paporitnye.

“Anak mude musti begeneh Nyak, kagak ketinggalan mode. Beda jaman ma eNyak, nyang cuman puas pake baju lungsuran Mbah Uti” mmm… begetu ye (kate eNyak dalem idung)   Sambil tetep ngebiarin Nyaknye bengong berlalulah si Oyin nyamper ke Corolla dan Collera, si kembar nyang kagak pernah ketinggalan mode, wat jalan-jalan ke mall nonton konser aneh rame-rame, nyang pastinye penonton isinye generasi imut semue… hmmm…

Selese acara Oyin selonjor di warung bakso si Jenab, mulez perut buncitnye gara-gara keseleg nelen fastfood ala kampong tetangge. Bukan karena lidahnye nyang mati rase sekalipun konon lezatnye gak terkire, tapi duit nyang tinggal dua nol nye.

“Ncing, aye pinjem duit. Duit barang uang saku ludes wat nonton kunser sama jajan di warung bule… sama ngutang bakso seminggu eneh yeee… kalo Oyin minta Nyak lagi pasti bakalan lepas entu buletan item-item di mata karena melotot seharian” kate Oyin sambil menye-menye kek orang mo boker

“Uda tauk ngabisin duit, Lo betah aje ikutan acare gak penting kek getu… kedengeran Oyen bakalan ditulis noh di blog die nyang bauknya mangkin busuk entu” kate Jenab kagak sadar Oyen uda nungging di belakangnye… xixixixixi

“Mumpung masi mude Ncing, tauknya gak cuman mandiin kebo sama nyawah dowang… musti nyari banyak pengalaman, sape tauk pas djalan-djalan di mall ketemu produser trus nawarin Oyin jadi bintang eklan, kalo penampilan kucel pan kagak demen entu produser” weleh-weleh… berasa peluangnya gede neh anak.

“Trus-trus, kalo uda begetu Lo ngerasa masa mude Lo hebat? Bisa hura-hura, seneng-seneng, … ato yakin Lo masa depan Lo kagak burem?” akhirnya Oyen nyerocos juge mbikin Oyin mangkin merah kupingnye

“Kapan lage Ncing, kalo uda tua gak mungkin lage…nyang ada udah asam urat, kena gula dan osteoporosis“ beuhhh…

“Anak muda hebat entu punya cita-cita besar, kagak pernah nyerah, dan bisa jadi generasi perubahan kearah nyang lebih baik. Usamah bin Zaid jadi jenderal nyang mimpin pasukan saat masi 18 taon, Imam Syafi’i hafal Al-Quran umur  9 taon dan fatwanye uda didengar mulai umur 14 taon. Muhammad al-Fatih mimpin 250.000 pasukan nembus Konstantinopel pas umurnye baru 24 taon. Pengikut dakwah Rasul nyang ngerubah masa jahiliyah Mekkah ke peradaban Islam juga banyak nyang anak muda, dari baru 8 taon sampe 14 taon. Negara kite merdeka juga karena peran anak-anak muda nyang kagak pernah nyerah…” tumben Oyen ceramah (lagi “agak” nyadar) dan gilanya mulai nyusut

“iye…iye… Oyin bakalan jadi pemudi nyang baek, kalo inget” beuhhhh…. Aye jitak baru nyahok Lo

Belon selese ceramahnye, dari kejaohan terdengar suara cemprenk Nyank Oyin nyang mbikin selusin mangkok bakso pecah berkeping-keping…

“Oyiiiiiiiiiiiinnnnnnnnnnnnnn….. ayam eNyak pada kemanaaaa… kok sisa si Ariel ma piyeknya dowanggggggggggg…. Seneh Loooooooooo……” adegan kejar-kejaran ala Indie pun terjadi sudah…, nyang baru brenti kalo kokok ayam jantan uda bunyi.

Hedeh…hedeh… semoga Nyak dan Kampong Jengkol gak sia-sia ngelahirin orok bernama Oyin… amin

“Demi Allah, kehidupan seorang pemuda itu harus berbekal ilmu dan takwa. Jika kedua bekal itu tidak ada, maka tak pantas disebut pemuda. Ilmu itu adalah cahaya, dan cahaya Allah tidak akan diberikan kepada orang yang maksiat” (Imam Syafii).

Wat semuanye, semoga bisa ngambil pelajaran dari Hari Sumpah Pemuda eneh… CAYO!!!

6 Comments leave one →
  1. Ghalib & Rizky permalink
    28/10/2010 21:34

    Ghalib:
    Hidup Pok Oyin…!!!

    Rizky:
    Bang, nyebut bang. Ingat nasehat Babe ma Nyak, kite kagak boleh nyontoh apapun nyang kite tonton sebelon konsultasi ma Orangtua.

    Ghalib dan Rizky nurut ye sama Nyak, kalo Babe nyuruh nyang nggak-nggak jangan mau👿

  2. dhebi permalink
    28/10/2010 21:58

    hmm..
    bagus ne mbak postingannya..
    mbak oyen ne orang betawi y?
    kreatif bgt

    dibilangin keturunan kraton nyang ada darah pendekar betawi dan sedikit cipratan istana buckingham *semoga percaya😀

  3. 29/10/2010 08:15

    Hehe… ini Oyen lagi sembuh sementara dari kegilaannya ya??
    Setuju banget… ngapain entuh datang ke acara yang kagak manpaat *sok ngikut betawinyeh*
    Hidup Pemuda Indonesia!!!😀

    hidup!!!😀

  4. 29/10/2010 08:41

    oyen lebih maniez kalu lagi “agak” nyadar gene😛

    kalo gak nyadar lebih manis…hag,,.hag,.,hag😛

  5. 31/10/2010 08:56

    yup
    semua harus di mulai sedari dini
    mumpung masih muda..
    mari melakukan sesuatu untuk bumi…
    di mulai dari hal yang kecil untuk hal yang besar..

    seepppp….😀

  6. 15/11/2010 10:03

    Masa muda penuh berkah

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: