Skip to content

Sidang Mengundang

05/07/2011

Setelah sekian taon reses, akhirnya sidang mengundang para tiga dipa di gedong DPR (Dibawah pu’un rindang) di depan kios baksonye si Jenab. Ngemeng-emeng emang tiga dipa jadi anggota Pe Te ye (aka Parlemen Re Te), kok diundang sidang segala. Eneh bukan ngomongin sidang nyang entu, tapi sidang para juri menentukan pemenang kuis gak mutu bin gak karu-karuan dan ra nggenah babar blas. Berikut suasana sidang nyang terekam di kamera wartawan jengkol nyus beberapa waktu nyang lalu.

“Baiklah sodara-sodara, sidang hari eneh kite buka dengan agenda mutusin pemenang kuis kapan hari nyang lalu entu” kate si Oyen nyang ngangkat dirinye sendiri jadi ketua, sekalipun Jenab ma Munaroh kagak setuju dan seluruh warge golput kagak mao nunjuk si Oyen sambil ngetok palu hasil korupsi dana pembangunan jamban umum tiga kali ..tok…tok..tok.. diatas kepala Jenab tanda sidang dibuka.

 

“Pegimane keputusan para juri? silaken disampaikan mumpung peserta belon pada ngantuk” kate Oyen lage sambil nguap dan ngupil barengan mencet-mencet BB sambil celingak-celinguk kali ada kamera wartawan nyasar dan nangkep ada pideonya si Parno di BB Oyen

 

“Menurut Aye nie Yen, jawaban nyang paling pas entu Abdul Swazenegger, soalnya pan cuman die nyang punya senjata abab bauk jengkol, katanye jawabannye harus nyang bauk jengkol” kate si Munaroh to nde puin, kagak mau ikut-ikutan anggota Pe Te nyang demen bebelit-belit nyang penting dapet duit.

 

“Interupsi Yen, aye makan bakso dolo Ye, soal jawaban Aye ngikut aje nyang penting kalo pemenang udah diundangken jangan lupe porsekot ye” kate Jenab sambil ngisi absen dan nyontreng uda hadir di persidangan, sambil cememesan sama si Junub, sodaranye nyang buron dan kabur ke tetangga sebelah karena kasus penggelapan dana nyang dimasukin ke kubangan pribadi sambil merem dan dimatiin lampunye.

 

“Nurut Aye lage ne Yen, berarti pemenangnye cuman atu karena nyang njawab cuman atu nyang bener, ditambah hadiahnye juga cuman atu dan Lo pasti maunya juga cuman atu aje kan Yen? Berarti berdasarkan nyang Aye fikir, nyang menang si Genduk Yen, pegimane nurut fraksi nyang laen?” usul Munaroh lage sambil nyatet berapa kali Oyen nguap dan merem melek wat nyari dukungan klub oposisi wat nyingkirin Oyen dari kursi panasnye nyang mbikin kuping meleleh dan gak denger ada prutes-prutes diluar sono

 

“Interupsi lage Yen, berdasarkan pemantauan dari Kumisi 9,9 De Pe eR hasil kerja Pansusu nyang menyelidiki para peserta, jawaban si Genduk udah kadaluwarsa, dan lewat dari ketentuan tanggal berlaku, mangkanya perlu diberlakukan undang-undang baru nyang netepin pemenang nyang sesuai dengan kaidah UUD 4,5 dan Pancaksilat, biar tidak terjadi miskomunikasi antara Juri dan nyang dijuriin…” lage-lage si Jenab interupsi sambil nenggak bakso se mangkoknye, karena bakalan dapat tunjangan pengadaan mangkok se gerobak dan dapurnye tiap kali ada sidang baru.

 

“Baiklah, sidang ditutup dalam waktu nyang tidak dapat ditentukan sampai berhasil ditemukan pemenang nyang baru” tok…tok…tok! Oyen pun menutup sidang sambil nguap dan nutup mata.

 

 

Bersambung hingga waktu nyang belon dapat ditentukan… (beuhh … gak niat mbikin kuis neh, payah! :evil:)

 

NB : Berhubung Oyen lagi sok sibuk sama keluarga baru, rumah baru, calon jabang bayi baru, usaha baru, taon ajaran baru, jabatan baru (halah), mangka mohon mangap pengumuman pemenang harus nunggu juri bersidang lagi. InsyaAllah minggu depan udah diumumkan… makasih nyang uda berpastisipasi, semoga gak cuman basa-basi dan asal ngisi, nyang penting semua heppi… xixixixi….:mrgreen:

6 Comments leave one →
  1. 05/07/2011 13:59

    Kok saya bisa pertamax disini ya…

  2. 05/07/2011 14:06

    Meh nganakke lomba ngarang jeneng bayi opo hora?

  3. 06/07/2011 13:01

    heleh… emang ada lomba? lomba apaan?
    *belagak lupa padahal harap-harap cemas*

  4. 15/07/2011 20:07

    Dan pengumuman SK nya pun sudah keluar …
    🙂

    Salam saya Yen …

    Apa kabar …
    Semoga sehat semuanya ya …

Trackbacks

  1. eS Kampret « Oyen punya cerita

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: