Skip to content

Balada Oyen Junior

27/01/2012
by

Sekarang Oyen udah emak-emak, walopun mukanya masih kek bocah ingusan, sangking uimutnyaa. Sejak ngerencanain jadi emak-emak standar SSI (Standar Syariat Islam), Oyen udah nyiapin bekal sejak jaman lalu. Dari buku karangan Semail Marjuki sampe karangan Mbah Maimun (keknya bukan pengarang buku dah :P), udah dilahap dan dikunyah ampe muntah. Tapi dasar di kampong  jengkol masih banyak orang udik daripada nyang terdidik, seringnya syariat kalah ama adat. Liat aja noh Mak Lemper bilang ke Oyen, konon kate leluhur berdasar kitab Undang-Undang Hukum Adat, bayi setelah lair wajib diserutup embun-embunnye, trus di selametin saban 40 hari, biar cepet jadi pejabat konon dikasi nasi nyang dikunyah pake pisang kelutuk (emang bayi macan ape?!!!).

“Trus elo mbilang ape Yen ame Mak Lemper..?” tanye si Munaroh nyang juga ngikutin jejak Oyen, nyiapin bayinye biar taat syariat.

“Karena kite uda punya syariat nyang hukumnya mbikin maslahat, makanye Oyen cuman ngikutin syariat. Abis lair yang penting diadzanin, di akikahin, dikasi nama nyang bener, di kasi ASI aje, jangan dikasi susu sapi, biar anak Lo manusiawi kagak sapi’i ?!!” Munaroh manggut-manggut sambil kentut

“Tapi nyang lebih super puentinggg… setelah entu didik nyang bener, biar kagak keblingerrrr” kate Oyen gemeterrr  sambil ngelap iler

“kek nyang duduk ndlosor di parlemen Re Te entu ya Yen?”

“Ah, mereka mah kagak keblingerrr, cuman gak bisa dengerrrrr !!!” tereak Oyen mbikin si Oyen junior mangap-mangap berasa pengen ngomong ‘hancurkan hukum adat, tegakkan syariat!’, trus ngusel-ngusel di ketek Oyen.

Udeh ye… Oyen junior mo ngenyot dolo… *sencorrrr*

7 Comments leave one →
  1. 27/01/2012 10:46

    salam yaaa buat adikk kecilllll
    namanya zhafira firdaus kan🙂

  2. 27/01/2012 17:31

    Fotone Dipasang Yen…

  3. 27/01/2012 18:35

    Oyen junior jangan dikenalin jus jengkol dulu ya yen

  4. 31/01/2012 16:10

    aah,,. mana nih foto oyen junior?
    biar bisa bayangin cubit2 pipinya

  5. Abu Ghalib permalink
    01/02/2012 18:09

    Selamat ya bu, mana potona?

  6. 17/02/2012 14:25

    Saya terus berdoa …
    Semoga Oyen dan Yuniornya … (juga Ayahnya yunior …)
    sehat-sehat selalu

    salam saya

  7. 18/05/2012 07:58

    Aihh…si Oyen dah Emak2..
    Nyok kita Gabung di perkumpulan Emak2..ihihi

    Salam buat Oyen Junior..
    Mmuahh..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: