Skip to content

Lebih baek Naek Gaji, apalage Naek Haji (Aamiin)

26/04/2012

Rejeki emang misteri nyang tak akan pernah bisa terpecahkan, karena sampe kapanpun ianya bukanlah piring atopun gelas (nyang saban hari numpuk sok gak sempet nyuci). Begetopun hinggapnya rejeki di tangan Oyen yang seringnya datang gak diundang pulangpun gak bilang-bilang. Jaman lalu sebelon Oyen paham apa entu rejeki, otak Oyen selalu mbunyi kalo “Lo bakalan berat kuliah Yen, makan aje musti nunggu nasi mateng (lah! Emangnya wereng nyang doyan beras klutuk?!), mangsudnye makan aje musti ngitung dolo berapa butir nasi yang bisa dilahap hari eneh?, apalage mo mbayarin Se Pe Pe nyang jumlahnya lebih mahal dari genteng rumah Oyen se dipan-dipannye”, sampe ternyata ‘rejeki’ lah nyang bicara, hingga tiba pada suatu masa, ijazah tukang insinyur nyang cuman kertas selembar dicoret-coret entu dikempit juga di ketek Oyen.

Suatu kali Teh Dingding pernah mbisikin, “Yen, nyang penting usaha, hasil entu kuase Allah, yakin aje deh, rejeki Allah gak bakalan ketuker (emangnya bayi? nyang demen dituker sama sineteron gaib abad eneh), pokoknye jangan pernah suudzon sama Allah, dan haram entu kite putus ase dari rahmatNya”, Oyen iya in aje, sekalipun ndengernye sambil makan kerupuk jengkol barang sisa lebaran setaon lalu.

Sejak ngerencanain kemunculan si “Oyen junior” dari jaman lalu entah kapan tepatnya (akher-akher eneh pamornya kalah sama Super Junior, maklum jarang hapdet! Halah!), Oyen gak pernah lagi musingin soal “rejeki”, pokoknye percaye aje sama Nyang Maha Ngasih, selain tetep usaha ngejemput tanpa ngelanggar ketentuan  nyang syar’i. Tuuuhhh… kannnn… tauk-tauk aje, Oyen dapet “rejeki” dari sana-sene…

Dari naiknye tunjangan peneliti, tawaran nimba ilmu di luar negeri, ngebukanya jalan usaha suami, sampe akhirnye dua kali naek gaji… dan semoga bentar lagi ada nyang nyeponsorin naek hajiii ..huehehehehe…(ayo kite aminkan rame-rame, “aaamiiiin”)…. Hohohoho…

Nyang jelas, semoga rejeki nyang kite dapet halal dan berkah, dari usaha nyang sesuai syariah, kagak ngelanggar aturanNya… dan jangan lupe, ada sekian hak wat mereka diluar sanah nyang mesti ditunaikan dengan semestinyah, dan satu lage, dari rejeki nyang kita peroleh, : 1) investasikan wat akherat, 2) investasikan wat masa depan, dan baru kite pake seperlunye wat 3) kebutuhan … getooo

.

***

“Jadi mangsudnya eneh pengumuman eLo naik gaji Yen?” tanye si komengtator, berharap ada traktiran

“Kagak! Pengumuman kalo ada nyang mo nyeponsorin Oyen wat  naek haji, Oyen maoooooooo….” Xixixixixi….:mrgreen:

2 Comments leave one →
  1. 26/04/2012 11:38

    ikutan dunk kalau Mbak Oyen mau naik haji….🙂
    ajak ajak gituh lho…..
    salam

  2. 26/04/2012 11:43

    eh ya beneran ya ternyata…….
    lebih berlumut blog si bunda drpd blognya Umi nya Fira…. hahaha😀😀 😛
    salam

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: