Skip to content

Puwisi Tjinta

18/05/2012
by

Di suatu jalan di gang genggong nyang lebarnya kagak muat sama pantat nyang segede pu’un jengkol 3 batang, si Oyin menemukan sesosok kertas bersampul merah nyang sepertinya kagak tauk milik siape gerangan. Tapi di amplop luar tertulislah sebuah nama : Wat Asep nyang Guanteng. Blaik! Si Oyin ngerasa dapet saingan baru neh! Dipungutlah entu kertas, lalu sesampainya di warung baxo si Jenab dibukalah beramai-ramai (tanpa si Oyen pastinyah, karena konon lagi nimang si Oyen Junior di kontrakannya). Setelah amplop dibuka, tertulislah sebuah tulisan, seperti tertulis di bawah eneh :

Puwisi wat Asep nyang Guanteng

Bukalah pintu hatimu, seperti kau membuka mulut baukmu
Lalu terimalah rentetan rasaku
Yang berjajar rapi seperti gigi susu

Kau tak usah kuatir, aku tak akan mencabut rasa itu
Dan menggantinya dengan yang palsu
Cintaku padamu melekat seperti pasta
Dan mengikat seperti kawat
Tak akan meninggalkan karies pada enamelmu

Jangan sakiti hatiku,
Karena bagiku,
Lebih baik sakit gigi daripada gak punya gigi

Jika kau menolakku, akan kupatahkan gerahammu!

Jiah, rupanya si Asep dapet puwisi tjinta. Dan naga-naganya ini dari seseorang nyang pengen nulis puwisi wat si asep (ya iyalah). Tapi si Oyin bertanya-tanya, siapa gerangan nyang nulis neh puwisi?

“Kalo si Juleha kagak mungkin ye Ncing, die pan bisanya cuman nulis iqro ma terjemahnya dowang, kagak mungkin bikin puwisi segala, kalopun mbikin puwisi, pasti nyontek status sebuknya Ncing Aiu ituh” nurut analisa otak kiri agak kanan punyak si Oyin. Si Jenab manggut-manggut sambil ngamatin pelanggan, sapa tauk ada nyang tiba-tiba gak selera makan baxo abis dipesen (hedeh! Aura ngembatnya kagak ilang-ilang ni bocah)

“Kalo si Lastri nyang katenye juga demen ma si Asep, Oyin kagak yakin dah. Die pan kagak makan sekolahan, mana bisa nulis beginian” analisa si Oyin lage. Dan Jenab masih manggut-manggut lage.

“Kalo dari Ncing enDuk juga gak mungkin keknya. Konon Die pan uda pindah ke laen ati setelah ada Bang Picak, mana mungkin demen lagi ma si Asep” si Oyin belon brenti menganalisa. Dan jenab belon brenti manggut-manggut.

Lalu dibacalah ulang puwisi ituh sama si Oyin. Dilihatnya bait demi bait, kata tiyap kata, dan hurup per hurup, sape tauk ada pesan rahasia di baliknya.

“Eneh nyang nulis keliatan demen ama die punyak gigi, siape ye di kampong eneh nyang giginya aneh?” analisa tahap pertama si Oyin. Si Jenab nyemak sambil manggut-manggut.

“Kalo demen gigi, pasti demen makan neh” analisa tahap duwa si Oyin. Si Jenab masih nyemak dan gak ketinggalan masih manggut-manggut.

“Kalo sanggup matahin geraham, pasti orangnya gede neh. Jempolnya musti demen miting kelingking orang laen neh” analisa ketiga si Oyin, kale eneh Jenab nangkap gelagat gak mutu Oyin, seketika manggut-manggutnye ilang.

“howaaaaa….. jangan-jangan neh surat Encing nyang nulis yoaaa…. Ngakuuuuuu……..” tereak si Oyin sambil mewek, mbikin pelanggannye Jenab kesedak bakso sesendoknye berjamaah. Bangkitlah si Jenab dari kursi panasnye wat meredam si Oyin nyang lage emosi.

“Hedehhhh Yiiiiinnn… Lo mao Gue pitingin kelingkingnye?? Jangan nuduh orang sembarangan dwonnkkk, mao eLo entar gue laporin ke puskesmas ?” wah, mulei panas neh ubun-ubunnye si Jenab. Akhirnye Oyin mengkeret dah, mundur selangkah demi selangkah, siyap berbelok arah. Akhirnya si Oyin nyerah dah, di buanglah entu surat bersampul merah, dan lalu melangkah pulang ke rumah.

Di sudut jalan, nun di kejauhan, dilihatlah sosok perempuan berselubung hitam, terlihat membawa kotak putih gede bertuliskan “Dokter Gigi Puskesmas Ladang Jengkol”. Tampak menyalami seorang anak nyang meringis, keknya abis dicabut giginye. Dan anak ituh, si Asep, anak Mpok Ucum nyang baru pindah dari kampong seberang, nyang konon paling takut kalo dicabut giginye. Dan konon, Bu Dokter puskesmas Ladang Jengkol terkenal puinter mbikin puwisi, nyang mbikin pasiennye betah setengah mati….

Lalu seketika, mringislah si Oyin dalem ati…. Xixixixixi….

9 Comments leave one →
  1. 18/05/2012 22:35

    haiyah, nulis dewe, di laik dewe, di komeng dewe… *blogger gurem

  2. 18/05/2012 23:11

    psh-nya udah pensiun..^^

  3. 19/05/2012 05:49

    ha…ha… drg ladang jengkol juga suka pake selubung hitam kembaran dong sama yg di ladang sebelah

  4. 21/05/2012 13:35

    Kalo puwisi temanya gigi pasti nyang mbikin ya dokter untu to?😛
    Wong bu dokter itu kalo dirayu gini: “Kamu dokter gigi ya?”
    Kok tau?
    “Karena kau telah menggosok hatiku dua kali sehari.”😆

    (ra lutju yo ben)

  5. 21/05/2012 19:42

    (+) : Kamu Dokter Gigi ya
    (-) : Kok Tau…
    (+) : Lha itu bawa jengkol

    • 22/05/2012 10:10

      manggut-manggu, pura-pura nda bingung. Hehehe…

      Meski lidah kudu dipijit setelah baca postingan di mari yang betawi banget, tetapi selalu ada senyum dan geleng-geleng mendapati keajaiban ( baca kekonyolan ) di dalamnya.

      Salam buat si junior, Mpok.

  6. 22/05/2012 08:01

    Kalau gak punya gigi, emang bisa sakit gigi ?

  7. 22/05/2012 18:56

    dokter giginye romantis ye mpok, bisa bikin puisi buat pasiennya segala..hehe..daripada kasih permen ya mending kasih pwuisi cintah ajah..haha

  8. 16/10/2014 01:13

    huahahaha.. lucu lucu bundaily.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: