Skip to content

Koruptor mbikin Tekor

19/03/2015

Suatu kali dalam rapat pembahasan APBnjol (APBN kampong jengkol lah…).

Pak re te : “ ini pegimana seh, ngkenapa APBnjol kite bisa tekor?”

Ketua : “ ituh musti keluar duit lagi Pak re te buat mbenerin tanggul nyang jebol, jalan nyang anjlok, jembatan nyang rubuh sama perbaikan fasilitas gedung ma rumah kite, pan uda setaon kagak dibenerin ma ditambahin”

Pak re te : “heh? Ferasaan ituh tanggul dan jalan baru dibangun kemarin, ngkenapa hari ini uda jebol?”

Wakilnye : “ mungkin karene ferubahan musim pak re te, jadi banyak rayap dan tikus nyang ganas-ganas, jadinya pan pondasi dan bangunannya gampang jebol. Jadi keknya kita butuh tambahan dana buat mberantas ituh rayap-rayap ma tikus-tikus pak re te “ (ngeles aje dulu, bener pa kagak itu urusan nanti, pas uda mati)

Pak re te : “ Trus pegimana sumur minyak jengkol kite, pan cadangannya buanyak tuh, emang belon cukup duit dari hasil entu? “

Bendahara : “ yeee, pak re te, ituh sumur pan uda kite serahin ame juragan jengkol buat ngelola, jadi kite cuman dapet 1 prosen saban taon, kalo hasilnya seribu tengki, ya kite cuman dikasi sepuluh tengki dowang, jadinya tetep aje kecil dimasukin ke APBnjol”

Pak re te : “ trus gunung emas ama lembah batu jengkol kite? Cuma dapet satu prosen juga?”

Sekretaris : “ya iyelah pak re te, aye jadi saksi nyatetin keuntungan saban hari, kagak ngarti sebenernya hasilnya berapa, nyang aye tauk nyang masuk ke APBnjol saban taon cuman se amplop dowang, yaudah aye bawa pulang aja “

Pak re te : “trus, ini kok ada keluar 1.873.947.725.937. triliun dollar jengkol ni buat apaan?”

Gubernur bank jengkol : “ohhhh, ituh buat nyehatin bank jengkol nyang sakit pak re te, biar sakitnya kagak nular kemane-mane”

Pak re te : “ngkenape buanyak amit?”

Gubernur bank jengkol : “soalnya nyang musti disehatin buanyak pak re te, ade bank jaja direkturnye, bank e’eng mentrinye, bank koko komisarisnye, belon anak istri dan mertuanye”

Pak re te : “hadeh. Ini kenapa ada permintaan anggaran lage 753.625.946. triliun dollar jengkol?”

Fraksi partai jengkol : “ituh buat anggaran parte pak re te, pan buat jalan parte entu butuh dana buanyak, buat kampanye, bikin poster nyang sebanyak kecamatan di kampong jengkol, belon spanduk, banner, iklan, dangdutan”.

Pak re te : “hadehhhhh…. Terus pegimana nihh, buat masukan dana lagi ke APBnjol, biar kagak tekor”

Tukang pajak : “gampang pak re te, naikin aje pajaknye, tiap orang, tiap barang dan tiap kerjaan naikin aje satu dollar jengkol, kalo dikali jumlah rakyat KJ nyang 200 jute, pan lumayan entu tiap bulannye. Kalo kurang naikin juge tarif air, listrik, gas, dan apa aje nyang dipake saban harinye. Kalo masih kurang lagi entar kalo perlu makan, minum, kentut juga harus kite pajakin pak re te”

Pak re te : (manggut-manggut) “seterah dah, nyang penting APBnjol kite kagak tekor”

Pejabat jengkol : “ehiya pak re te, pegimane usulan kita soal grasi buat koruptor? Di acc kagak nih? Awas loh kalo kagak, entar aye tekor in lagi APBnjol nye” (duh, ngancem nih)

Dan pak re te pun pingsun, kejedot, dan kepalanye benjol beneran.

***
Nun di seberang sana, Oyen, Munaroh, Jenab, Oyin dan buanyak lagi kawan-kawan senasibnya lagi ngaji tentang sistem alternatif nyang kelak bakal ngegantiin sistem amburadul bikinan manusia, yaitu sistem nyang digali dari aturan ALLAH … khilafah ala minhajin nubuwwah…

2 Comments leave one →
  1. 21/03/2015 15:41

    tekor sana sini jadinya ya

  2. 29/03/2015 16:06

    konsultan dari kajol musti turun tangan nih…ublak telor biar gak tekor

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: