Gossib….Nggossok Aib

Wah, wah, wah….Jengkol TV sekarang lagi demen ma berita infotemen, nyang konon kata Warto Suberito berita non ilmiah tapi mbikin meriah, dan nyang pasti banyak pemirsanyah dan iklannyah, akibatnya kek apa sebodo amat dah. Dari pagi mpe menjelang malam gulita berderet noh, ada WOS-WOS, IHSERET subuh, pagi, siang, sore, petang, malem, GOSOWng, KABUR-KABURI, CEK&LECEK, HOT SEROT, STATUS SELEH BRUTU, KRUSAK-KRUSUK lan sakpanunggalane (kok iso apal yo 😀 ).

Apa aja konon bisa masuk jadi berita. Kawin cerai jadi komoditi, aib keluarga jadi sensasi, selingkuh jadi isu trendy, kebaikan jadi ajang pamer diri dan serangkaian berita nyang seolah gossip, padahal nggossok aib. Aib nyang kagak jelas, entah bener entah kagak, nyang penting tuh berita duluan mangkrak, dan ngasih duit banyak. Dan lama-lama, mbikin warga Kampong Jengkol mangkin dibikin gerah dan muntah ma aib nyang dikomersilkan. Nyang mbikin aib seolah jadi kebiasaan dan lama-lama jadi pembenaran…wis jan nganyelke tenan!

Ya iyalah, gimana enggak bete, masak Oyen mbikin KTP digosipin pedekate sama Pak eR Te, cuman gara-gara Pak eR Te ngasi kenang-kenangan sekarung pete. Si Enol jalan ma Bu Lurah digosipin lesbi, jalan sama si Uyun nyang masi TK digosipin demen berondong, giliran mandi di empang deketan Sinta, digosipin kumpul sama kebo. Bu eR Te kondangan sendirian digosipin cerai sama Pak eR Te, giliran jalan berdua sama Pak eR Te digosipin cuman kamuflase nutupin gosip, fiewh. Nyang lebih parah, masak urusan rumah tangga juga dimata-matain sama tuh tukang gossip.

Pernah suatu ketika tiap kali si Enol barusan buka pintu rumah, jepretan beribu kamera paparazi sudah nangkring di depan pintu. Bahkan saat si Enol nekat keluar lewat jendela, ternyata sudah ada nyang ditugasin nemplok di tembok, mau keluar lewat atap, ternyata ada juga nyang nangkring di atas genteng. Jangan-jangan keluar lewat lobang tikus, ada juga nyang nyegat di gorong-gorong…Doooohh!! Lama-lama kantornya tuh tukang berita emang di emperan rumah orang…hmmmmm…ampun dah! Mpe mbikin si Enol mangkin prustasi dan pengen pindah galaksi.

Tapi si Oyin rupanya pengen juga masuk berita gossip, mangkanya pas ada tawaran wawancara dari Warto Suberito dia mau ajah, sapa tauk bisa ngetop kek si Enol. Akhirnya wawancarapun tiba,

”Menurut anda apa pentingnya infotemen?” kata si Warto belagak sok ilmiah

”Perlu lah, terutama buat saya nyang pengen terkenal…xixixiixixi” kata Oyin sok yes.

”Bagaimana menurut anda beritanya?” masih sok ilmiah….hmmmm

”Emang ada beritanya? Bukannya isinya gosip semuah…?” kata Oyin dengan polosnyah, nyang seketika mbikin si Warto manyun 70 centimentah.

Seminggu lebih Oyin menunggu tayangan wawancaranya di depan tipi. Tapi setelah berbulan-bulan menanti dan tak kunjung nongol di tipi, akhirnya Oyin sadar lagi, kalo omongan si Warto nyang bakalan nayangin Oyin di headline nyus Jengkol tipi entu, cuman gossiip 😦 .

Gini neh kalo cuman duit nyang jadi inceran, bukannya kualitas tayangan, siarannya ngebikin generasi keilangan panutan, trus masa depan mereka mau dikemanakan?!! Kalo keluarga disuguhi tayangan begituan!!!. Ayo tegakkan aturan tayangan tipi, aib wajib ditutupi, bukan malah diumbar gak terkendali  👿 !

Ayo ! Sejahterakan Oyen !