Sinetron layak tonton?

Oyin lagi sebel berat neh sama si Ariel. Jiaahhh, cape tuh si Ariel? hebat banget bisa kenal ma si Ariel. Eitzz, jangan su’udzon doloo, Ariel tuh nama ayam jagonya Oyin. Jadi si Oyin entu punya 4 ayam jago hadiah Engkongnya, waktu menang lomba mirip ondel-ondel, naahhh..entu ayam 4 dikasi nama “Peterpan”, entu band paporitnye Oyin, dan ayam nyang paling guanteng dan kokoknya paling okey dikasi nama Ariel, getuuuuu. Terus kenape Oyin bisa sebell sama si Ariel? Ternyate karena kemaren Mancung United dikalahin sama Celesi, noh tim dari Kampong Terasi, waktu pinal Liga Jengkol 2010. Lah, kenape Oyin nyalahin si Ariel? Padahal kate komengtator dan suporteror MU kalah karena salah umpan, umpan kurang akurat, umpan terlalu melebar, umpan tidak sampai sasaran dan tidak pernah memberikan umpan, maklum mainnya di pemancingan. Dan ceritanye pas nonton Oyin ngajakin si Ariel, biar heboh.

Ehhh, ternyata gara-gara si Ariel keseringan tereak…

“keokeokeok…keokeokeok…keokeokeok” bikin si Asep dan punggawa MU gak konsen dan keok beneran. Mangkanya si Oyin sekarang lagi marahan sama si Ariel, katanye kalo bikin dongkol lagi mau disembelih aje dan dimakan rame-rame! Beuhhh…mpe segitunye.

Tapi sekarang rasa sebelnya udah mangkin terobati, karena Oyin lagi demen-demennye nonton sineteron ala Jengkol TV. Tiap abis maghrib mpe tengah malam ghaib, si Oyin kagak berenti mantengin tipi. La iya lah, jam segitu pan jamnya sineteron, dari “Cinte Ijah”, “Cinte Minah”, “Cinte Parah” sampe “Cinte Muntah” nyambuuuunggg teruuuus kagak abis-abis. Orang kalo udah tamat juga bakalan nongol lage, “Cinta Ijah 2”, “Cinta Ijah 3” sampe “Cinte Ijah tak terhingga”. Ditambah ada aktor paporit Oyin nyang mirip sama Pak eR Te, Dude Harlino. Dan entu semua bikin waktu Oyin kagak produktip, ditambah lagi ikut terpengaruh sama entu cerite. Coba dengerin aja rekaman Oyin ma Enyaknya,

“Yin, jangan nonton terus, biar masih liburan mendingan bantuin Enyak, bantuin Babe” kate Enyaknye.

“Ih, jangan-jangan Enyak pengen bikin Oyin kek si Ijah ya, suruh kerja di dapur, terus minuman Oyin dimasukin obat tidur, biar kagak nonton lage, iye paaaan?” giliran digituin Enyaknya melongo dah.

“Ceilah, lo mah kagak perlu diobatin, entar juga molor ndiri. Pokoknya kalo nonton tipi mulu, entar Enyak jual tipinya, buat beli kebo lagi. Entu Sinta ma Santi butuh si Santo keknya, biar beranak pinak” Kate Enyaknya makin sebel ma tuh anak.

“Dunia tidak adil, kenapa hidupku jadi seperti ini” Kate Oyin sambil mewek-mewek ngikutin gayanye si Ijah.

Begitu tahu kelakuan Oyin nyang kek begitu, Oyin disidak sama Teh Dingding Badingding. Teh Dingding tanya pas pengajian, hafalan Oyin nambah berapa? Ngajinya udah nyampe jus berapa? Udah baca buku apalagi? Ngerti gak sekarang ada berita apa di tipi? Silaturahim ma sapa aja minggu ini? Liburan diisi apa aje, banyak mudharat pa manfaatnye? Beuhhh….bikin Oyin melengos dah, apalagi setelah liatin si Marni, kawan ngajinya nyang sekarang lebih hebat dari Oyin. Gara-gara keseringan nonton sineteron, Oyin kalah sama si Marni, kalah hafalannya, kalah ibadahnya, dan nyang lebih parah kalah ilmunya.

“Emang Oyin dapet apa ajah abis nonton sineteron?” masih nanya juga Teh Dingding. Si Oyin masih diem.

“Kalo memang layak tonton, kagak ape2 ditonton, tapi seperlunye aje. Lah kalo gak layak tonton, ngapain di tonton. Musti selektip Oyin, kalo isinye cuman orang kaye suka ma pembantu, di Kampong tetangge juga ada nyang begitu. Kalo isinye cuman orang dipelototin ma disiksa, diluar sana noh sodara kita banyak nyang lebih parah. Kalo isinye cuman rebutan warisan, itu udah ketinggalan jaman. Ato kalo isinye cuman anak SMP mpe kuliahan nyang pacaran, waadoohh, lo pan udah ngarti nyang begituan gak boleh dibiarkan” Oyin masih dieeemmmm ajah.

“Iya deh, Oyin kagak lagi nonton sineteron, Oyin bakal ganti nonton nyang lain” Kate Oyin bikin Teh Dingding senyam senyum.

“Oyin mau nonton drama korea ma jepun aje kek Ncing Jenab” Kate Oyin sambil nyengir, bikin Teh Dingding lama-lama ilang senyumnye, sambil nyari kate-kate buat Oyin berubah mikirnye.